Nabi ki sabse unchi shaan qawwali lyrics

 

 

नबी की सबसे ऊंची शान

Qawwal: Chand Qadri Afzal Chishti

Ye kahkasha ye samandar bhi baat karte hein

Hasin baharon ke manzar bhi baat karte hein

Nabi ka zikr pardon talak nahin mahdood

Mere rasool se kankar bhi baat karte hein

 

Pyare nabi ki zaat se momin na hona anjaan

Kitna buland hai unka rutba sun lo ye farman

Sab nabiyon ke nabi hein aaqa Kahta hai qur’aan

Nabi ki sabse unchi shaan

 

Pyare nabi ki zaat se momin na hona anjaan

Kitna buland hai unka rutba sun lo ye farman

Sab nabiyon ke nabi hein aaqa…

Sab nabiyon ke nabi hein aaqa Kahta hai qur’aan

Nabi ki sabse unchi shaan

 

Phool khile hein dali-dali mahke sare gulshan

Sach hai muhammad ke sadqe me dono jahan hein roushan

Qur’aa ke har ik paare me hai rab ka ailan

Nabi ki sabse unchi shaan

 

Rab ne bakhshi sab nabiyon ko mere nabi ki imamat

Fash se lekar arsh talak hai chalti unki hukoomat

Mere nabi ko rab ne banaya do jag ka sultan

Nabi ki sabse unchi shaan

 

Shahe arab ko rab ne bakhsha izzat ka wo taj

Ye batlaao unke alawa kis ko hui meraj

Aap to arsh pe ban ke gaye hein allah ke mehman

Nabi ki sabse unchi shaan

 

Ummat ki khatir aaqa ne pet pe bandha patthar

Unki giza thi jou ki roti tooti chataai bistar

Yun to unke qadmon me hai sone ki chattaan

Nabi ki sabse unchi shaan

 

Ghata e noor barasti thi aasmano se

Bade haseen the noorani raat ke lamhe

Kisi ko aisi bulandi kahan mayassar hai

Jahan koi nahin pahuncha wahan nabi pahunche

Nabi ki sabse unchi shaan ×5

 

Ba-sad khuloos ba-sad ahtraam bhejta hai

Kalam bhejta hai aur pyaam bhejta hai

Bayaan kar nahin sakta mai martaba unka

Rasool e haq pe khuda bhi salam bhejta hai

Nabi ki sabse unchi shaan ×5

 

Dikhaai raah sadaqat ki bhatke logon ko

Mere nabi ne sunhare usool pesh kiye

Zamana karta raha unpe zulm ki barish

Magar jawab me aaqa ne phool pesh kiye

Nabi ki sabse unchi shaan ×5

 

Mahakte hain zamin o aasama mousam mahakta hai

Jidhar dekho udhar islam ka parcham mahakta hai

Maqam e sarwar e kounain dekho tees paron me

Nabi ke naam ki khushbu se do alam mahakta hai

Nabi ki sabse unchi shaan ×5

 

Pyare nabi ki zaat se momin na hona anjaan

Kitna buland hai unka rutba sun lo ye farman

Sab nabiyon ke nabi hein aaqa Kahta hai qur’aan

Nabi ki sabse unchi shaan

By sulta