Mere Dil Mein Ishq e Huzoor Hai Lyrics

 

 

 

Mere Dil Mein Ishq e Huzoor Hai

Qawwal: Ustad Rahat Fateh Ali Khan

हिन्दी लिरिक्स

Naghma e Salle Ala Vird e Zubañ Rahta Hai

Har Ghadi Saamne Rahmat Ka Sama Rahta Hai

 

Jab Madine Ke Dar o Baam Nazar Aate Haiñ

Dil-e Betab Ko Phir Hosh Kahañ Rahta Hai

Mere Dil Mein Ishq e Huzoor Hai
Mere Dil Mein Ishq e Huzoor Hai

Main Jahañ Mein Sabse Ameer Hooñ

 

Mere Dil Mein Ishq e Huzoor Hai

 

Tujh Me Hoor o Qusoor Rahte Haiñ

Maine Maana Zurur Rahte Haiñ

Mere Dil Ka Tawaf Kar Jannat

Mere Dil Me Huzur Rahte haiñ

 

Mere Dil Mein Ishq e Huzoor Hai

 

Mere Dil Mein Ishq e Shah e Kaunain Ki Daula Hai Badi

Hooñ to Naadan Maiñ Lekin Meri Qeemat Hai Badi

 

Mere Dil Mein Ishq e Huzoor Hai

Main Jahan Mein Sabse Ameer Hooñ

Mujhe Taajdaari Se Kya Gharaz

Main Dar e Nabi Ka Faqeer Hooñ

 

Na To Mera Koi Kamal Hai

Na Dakhal Hai Isme Ghuroor Ka

Mujhe Rakhte Hain Wo Nigaah Meiñ

Ye Karam Hai Mere Huzoor Ka

 

Mujhe Tajdari Se Kya Gharaz

Maiñ Dar e Nabi Ka Faqeer Hooñ

 

Mujh Par Mere Aaqa Ka Ehsaan Bada Hai

Sarkar Ke Mangtoñ Mein Mera Naam Likha Hai

 

Maiñ Dar e Nabi Ka Faqeer Hooñ

 

Mujhe Haq Ne Bakshi Hai Bartari

Meri Thokaroñ Mein Sikandari

Yeh Jahaan Nigah Mein Kyun Jache

Main Gada Hoon Apne Huzoor Ka

 

Maiñ Dar e Nabi Ka Faqeer Hooñ

 

Gada e Shaah e Arab Hooñ, Faqeer e Raah Nahiñ

Faqeer Wo Hoon Ke Nazroñ Meiñ Baadshah Nahiñ

 

Maiñ Dar e Nabi Ka Faqeer Hooñ

 

Phaile Hue Haathoñ Ko Hakarat Se Na Dekh

Har Ek Ke Aage Ye Gadagar Nahiñ Hote

 

Maiñ Dar e Nabi Ka Faqeer Hooñ

 

Mujhe Tajdari Se Kya Gharaz

Maiñ Dar e Nabi Ka Faqeer Hooñ

 

Mujhe Mehr o Maah Se Ho Kaam Kya

Tere Naksh e Paa Pe Main Hoon Fida

Mujhe Kya Rehayi Se Waasta

Teri Zulf Ka Maiñ Aseer Hooñ

 

Zulfeñ To Sabhi Ki Haiñ Magar, Wallail Nahiñ Haiñ

Is Liye…

Teri Zulf Ka Maiñ Aseer Hoon

 

Mujhe Kya Rehayi Se Waasta

Teri Zulf Ka Maiñ Aseer Hoon

 

Ye A’taa Hai Ishqe Huzur Ki

 

BeTalab Mujhko Diye Jaata Hai, Dene Wala

Haath UthTe Nahi Jholi Meri Bhar Jaati Hai

 

Ye A’taa Hai Ishq e Huzur Ki

 

Bin Maañge Diya Aur Itna Diya

Daaman Meiñ Hamare Samaya Hai

 

Ye A’taa Hai Ishq e Huzur Ki

 

Mujhe BeHunar Dekh Kar Mustafa Ne

Kamaal Apni Madha Sarayi Ka Bakhsha

 

Ye A’taa Hai Ishq e Huzur ki

Mujhe Jisne Aisi Hayat Di

Jo Na Bujh Sake Wo Charag Hooñ

Jo Na Mit Sake Wo Lakeer Hooñ

 

Main Ghulam e Panjtan e Paak Hoon

 

Maiñ Ghulam e Panjtan.. Maiñ Ghulam e Panjtan

 

Mujh Pe Kitna NIYAZI Karam Ho Gaya

Duniya Kahne Lagi Pan jtan Ka Gada

Is Gharane Ka Jab se Maiñ Naukar hua

Sabse Achchi Meri Naukari Ho Gayi

 

Maiñ Ghulam e Panjtan.. Maiñ Ghulam e Panjtan

 

Parwah Kisi Ki Nahiñ, Har Ik Se Ghani Hooñ

BaaWasta e Damaane Rasool e Madani Hooñ

 

Maiñ Ghulam e Panjtan.. Maiñ Ghulam e Panjtan

 

Maddah e Muhammad Hooñ

Aqeeqe Yamani Hooni

Maiñ Shaifta-e-Aal-e-Rasool-e-Madani Hooñ

Aye Noor! Maiñ PurNoor us Noor e Ali Se

Panjab Ka Panjabi Hooñ,

Qismat Ka Dhani Hooñ

 

Maiñ Ghulam e Panjtan.. Maiñ Ghulam e Panjtan

 

Main Ghulam E Panjtan e Paak Hoon

Main Dar e Butool Ki Khaak Hoon

Main Hassan Hussain Ka Hoon Gada

Main Sag e Janaab e Ameer Hoon

 

Jise Kahiye Jood o Karam Ki Jaa

Wo Hai Dar, Jahañ Meiñ Huzur Ka

Usi Dar Se Mujhko Khuda Mila

Usi Aastaañ Ka Faqeer Hooñ

 

Maiñ Hooñ Saajid e Dare Mustufa

Ye Mere Huzur Ki Hai A’taa

Kahañ Unka Dar Kahañ Mera Sar!

Maiñ To Ik Ghulaam e Hakeer Hooñ

 

Mere Dil Mein Ishq e Huzoor Hai

Main Jahañ Mein Sabse Ameer Hooñ

By sulta