jo ho chuka hai jo hoga huzoor jante hain naat lyrics

jo ho chuka hai jo hoga huzoor jante hain naat lyrics

 
Jo ho chuka hai jo hoga huzoor jante hen
Teri aata say Khudaya huzoor jaante hen
Khuda ko dekha nahin aur eik maan liya
Ke jantay thay sahaba huzoor jantay hein
Munafiqoon ka aqeeda woh gaibdaan nahin
Aur sahabiyoon ka aqeeda huzoor jantay hen
Aie ilm e ghaib kay munkir Khuda ko dekha hai?
Aur tujhay bhi kehna padega huzoor jante hen
Khabar bhi hai? ke khabar sabki hai unhein kab say
Ke jab na ab tha na kab tha huzoor jante hen
Kai unke haath mein kya kya tujhe khabar na mujhe
Khuda nay kitna nawaza huzoor jante hen
Woh mominoon ki to janoon say bhi kareeb huye
Kahan say kisnay pukara huzoor jante hen
Isiliye to sulaya hai apne pehlu mein
Ke yaar e ghar ka rutba huzoor jante hen
Umar nay tan say juda kar diya tha sar jis ka
Woh apna hai ke paraya huzoor jante hen
Nabi ka faisla na maan kar woh jaan say gaya
Mizaaj Umar ka hai kaisa huzoor jante hen
Wohi hai paikar e sharm o haiya o zul nuraian
Maqaam unki haya ka huzoor jante hen
Hen jiske moula huzoor uske hen Ali moula
Abu Turab ka rutba huzoor jante hen
Yeh khud shaheed hen betay nawasay potay shaheed
Ali ki shaan e yagana huzoor jante hen
Main unki baat karoon yeh nahin meri auqaat
Ke shaan e Fatma Zahra huzoor jante hen
Jina mein kaun hen sardaar nojawanoon kay
Hasan Hussain ke nana huzoor jante hen
Malaika ne kiya youn to sajda Adam ko
Dar asal kis ko tha sajda huzoor jante hen
Kahan marein gay Abu Jahal o Utba o Sheiba
Ke Jang e Badr ka naqsha huzoor jante hen
Woh kitna fasla tha aur kalaam tha kaisa
Aao adna aur ma aaoha huzoor jante hen
Milay thay rah mein 9 bar kis liye Musa
Yeh deed e haq ka bahana huzoor jante hen
Main chup khara houn Mawaja pay sar jhukaye huye
Sunaoon kaise fasana huzoor jante hen
Chupa rahe hai lagatar mere aiyboon ko
Main kis qadar houn kameena huzoor jante hen
Khuda hi jaanay UBAID unko hai pata kiya kiya
Hamein pata hai bus itna huzoor jante hen
Nahi hai zaad e safar pass jin ghulamoon ke
Unhein bhi dar pe bulana huzoor jante hen
Haran ne oonth ne chiryoon ne ki yehi faryaad
Ke unkay gham ka madawa huzoor jante hen
Teri aata say Khudaya huzoor jaante hen
Nahi hai zaad e safar pass jin ghulamoon ke
Unhein bhi dar pe bulana huzoor jante hen
Teri aata se Khudaya huzoor jaante hen
Main unki baat karoun yeh nahin meri auqaat
Ke shaan e Fatma Zahra huzoor jante hen
Teri aata se Khudaya huzoor jaante hen