HABIB-E-KHUDA KA NAZAARA KAROON MEIN NAAT LYRICS
Habib-e-Khuda ka nazaara karoon mein
Dil-o-jaan un par nisaara karoon mein
Teri kafshe pa yu savaara karoon mein
Ke palko se usko buhaara karoon mein
Mera deen-o-iman farishte jo puche
Tumhari hi janib ishaara karoon mein
Yeh ek jaan kiya hai agar ho karoron
Tere naam par sab ko wara karoon mein
Tere naam par sar ko qurbaan karke
Tere sar se sadqe utaara karoon mein
Mein kiyu ghair ki thokre khane jao
Tere dar se apna guzaara karoon mein
Dam-e-wapsi tak tere geet gau
Muhammad Muhammad
Muhammad Muhammad
Muhammad Pukara karoon mein
Tera zikr lab par Khuda dil ke andar
Yuhi zindagani guzaara karoon mein
Khuda khair se laye wo din bhi Noori
Madine ki galiya buhaara karoon mein