Sun. Dec 5th, 2021

DIL DARD SE BISMIL KI TARHA LAUT RAHA HO NAAT LYRICS

Dil dard se bismil ki tarha laut raha ho
Seene pe tasalli ko tera haath dharaa ho
Gar waqt-e-ajal sar teri chaukhat pe jhuka ho
Jitni ho qazaa ek hi sajde mein adaa ho
Tum zaat-e-khuda se na judaa ho na khuda ho
Allah ko maaloom hai kya jaaniye kya ho
Yeh kyun kahuun mujh ko yeh ataa ho yeh ataa ho
Woh do ke hameshaa mere ghar bhar ka bhalaa ho
Aata hai faqeeron pe unhi pyaar kuch aisa
Khud bheek dein aur khud kahe mangta ka bhalaa ho
Mangta to hai mangta koi shaahon mein dikhaade
Jisko mere Sarkaar se tukraa na mila ho
Mitti na hoo barbaad passe marde ilaahi
Jab khaak urey meri Madine ki hawaa ho
Dekha unhe mehshar mein to rahmat ne pukaaraa
Aazad hai jo aap ke daaman se bandha ho
Dhoonda hi karein sadr-e-qayaamat ke sipaahi
Woh kis ko mile jo tere daaman mein chupa ho
Shaabaash Hassan aur chamakti si ghazal parh
Dil khol kar aaina e iman ki jilaa ho
De daaliye apnay lab-e-jaan bakhsh ka sadqa
Ae chara-e-dil dard-e-hasan ki bhi dawa ho

By admin

Leave a Reply

Your email address will not be published. Required fields are marked *