Aap Par Salam Zainab Lyrics

 

 

Marhaba, Marhaba, Marhaba Marhaba
Marhaba, Marhaba, Marhaba Marhaba

Marhaba Shareekatul Hussain
Marhaba Shareekatul Hussain

Aap Par Salam Zainab ..
Aap Par Salam Zainab ..

Baad e Shah e Karbala, Aap Ne Poora Kiya
Itna Bara Kaam Zainab

Aap Par Salam Zainab ..
Aap Par Salam Zainab ..

Maañ Se Jo Kiya tha Waada Khoob Vo Nibhaya
Saath Saath Bhai Ke Rahi Hain Ban Ke Saya
Kaam Jo Koi Na Kar Saka Vo Kar Dikhaya

Karbobala Bhai Ne Fat’ha Ki Aur Aap Ne
Fat’ha Kiya Shaam Zainab

Aap Par Salaam Zainab ..
Aap Par Salaam Zainab ..

Qatl Hochuka Ali Ka Laal Jab Furat Par
Bibiyon Ke Bayn Chha Rahe The Kaayenaat Par
Saari Zimmedariyañ Uthayeeñ Apni Zaat Par

Bibiyañ Ghabra Gayeeñ Pehre Pe Aap Agayeeñ
Jab Jale Khayaam Zainab

Aap Par Salaam Zainab ..
Aap Par Salaam Zainab ..

Misl e Shaah e Deeñ, Nigaaheñ Zulm Se Milaayi Theeñ
Faujeiñ Jis Ghadi Khayaam Lootne Ko Aayi Theeñ
Abid e Hazeeñ Ko Aap Hi Bacha Ke Laayi Theeñ

Dekh Ke Ye Hausla Keh Rahe The Marhaba
Khud Shah-e Anaam Zainab

Aap Par Salaam Zainab ..
Aap Par Salaam Zainab ..

Kaise Kaise Imtehaan Bibi Aap Ne Diye
Karbala Ke Dasht Se Aseer Hoke Jab Chale
Aap Hi To Aasra Theeñ Ahl-e-bait Ke Liye

Gham Mein Giraftar Theeñ .. Hai..
Phir Bhi Alamdaar Theeñ
Karbala Se Shaam Zainab

Aap Par Salaam Zainab ..
Aap Par Salaam Zainab ..

Kyuñ Na Ehteraam Aapka Ho Khaas o Aam Meiñ
Aap Hain Shareek e Kaar Maqsad e Imam Mein
Pehli Majlis e Hussain Wo Bhi Qaid e Shaam Meiñ

Koi Nahi Hosaka Baani e Farsh e Aza
Sirf Hai Ik Naam Zainab

Aap Par Salaam Zainab ..
Aap Par Salaam Zainab ..

Zindagi Ko Waqf Kar Diya Khuda Ke Naam Par
Donoñ Laadle Fida Kiye Wafa Ke Naam Par
Ek Ek Ashk Shaah-e Karbala Ke Naam Par

Khutba Kuchh Aise Diya .. Haañ …
Zulm Ko Ruswa Kiya
Hai Ye Sada Aam Zainab

Aap Par Salam Zainab ..
Aap Par Salam Zainab ..

Bhaaiyoñ Ko Har Ghadi Rakha Dua Ke Saaye Meiñ
Aapka Ye Sabr o Hausla Jafa Ke Saaye Mein
Hai Khuda Ka Deen Aapki Rida Ke Saaye Mein

Shukriya Kahte Raheiñ, Aapko Sajda Kareiñ Aapke Ghulam Zainab

Aap Par Salam Zainab ..
Aap Par Salam Zainab ..

Aapki A’taa Jo Ho To Chhoo Leiñ Asmaan Sab
Saare Zaakireen, Noha-khwan o Soz-Khan Sab
Mesum aur Mazher Abidi Kareiñ Bayaan Sab

Kaar e Numaayañ Sabhi, Aap Ki Laachaargi, Aapka Maqaam Zainab

Aap Par Salam Zainab ..
Aap Par Salam Zainab ..

aap-par-salam-zainab-lyrics

By sulta