Ya Mustafa Noor ul Huda Saani Tera Koi Nahi Lyrics

 

 

Karam Jab Aal-e Nabi Ka Shareek Hota Hai
Bigad Bigad Ke Har Ek Kaam Dheek Hota Hai

Durood-e Aal-e Muhammad ﷺ Ki Ye Fazeelat Hai
Ke Laa-Shareek Bhi Is Meiñ Is Meiñ Shareek Hota Hai

 

Har Nafas Ishq-e Muhammad ﷺ Ka Payaami Kar Lo
Zindagi Mit Ke Mohabbat Mein Dawaami Karlo
BaadShaahi Hai Agar Dono Jahañ Ki Darkaar
Dosto Aao Mohammad ﷺ Ki Ghulami Kar Lo

 

Allah Ki Ham JalwaGari Dekh Rahe Haiñ
Ya Husn o Jamaal-e Madani Dekh Rahe Haiñ
Jis Waqt Padho Salle-ala Aal-e Muhammad ﷺ
Samjho Ke Rasool-e Arabi Dekh Rahe Haiñ

 

Hadd-e Tauseef Se Bhi Naam Hai Baala Tera
Ke Khuda Aap Hai Khud Chaahne Waala Tera
Tere Sadqe Hui Manzoor Duaa-e Aadam
Roz-e Awwal Hi Tha Maujood Ujala Tera

Ya Mustafa Noor ul Huda
Ya Mustafa Noor ul Huda Saani Tera Koi Nahiñ …

 

Ya Mustafa Noor ul Huda Saani Tera Koi Nahiñ
Shams-ud-duha Koi Nahi Badr-ud-duja Koi Nahi

 

Ya Mustafa Noor ul Huda Saani Tera Koi Nahiñ …

Saani Tera Koi Nahiñ ..
Saani Tera Koi Nahiñ ..

 

Kaali Kamli Waale Aaqa
Saani Tera Koi Nahiñ ….

 

Rasool Aur Bhi Aaye Jahaan Mein, Lekin

Kaali Kamli Waale Aaqa
Saani Tera Koi Nahiñ ….

 

Shah-e Yasrabi Tere Husn Ki
Kise Taab Jo Kare Hamsari

Na Guloñ Meiñ Aisi Shuguftgi
Na Ye Rango Boo Na Ye Saadgi

Ye Anokhi Chhab Ye Nayi Phaban
Ye Adaaeñ Pyaari Ye Saadgi

Teri Misl Koi Hua Na Ho
Tere Sadqe Jaauñ Maiñ Ya Nabi

 

Kaali Kamli Waale Aaqa
Saani Tera Koi Nahiñ ….

 

Har-Har Kundal-Kundal Utte Aashiq Da Dil Dole
Husn Tere Di Sift Ki Aakhaañ Kaafir Kalma Bole, Aakhe

Kaali Kamli Waale Aaqa
Saani Tera Koi Nahiñ ….

 

Nazroñ Ne Meri Saara Jahañ Chhaan Liya Hai, Par

Kaali Kamli Waale Aaqa
Saani Tera Koi Nahiñ ….

(Sargam)

Kaali Kamli Waale Aaqa
Saani Tera Koi Nahiñ ….

 

Phire Zamaane Meiñ Chaar Janib
Nigaar-e Yakta Tumhi Ko Dekha
Haseen Dekhe Jameel Dekhe
Par Ek Tumsa Tumhi Ko Dekha

Kaali Kamli Waale Aaqa
Saani Tera Koi Nahiñ ….

 

Hue Haiñ Hazrat-e Yusuf Haseeñ Zamaane Meiñ
Magar Unheiñ Bhi Tere Husn Ki Zaqaat Mili

Kaali Kamli Waale Aaqa
Saani Tera Koi Nahiñ ….

 

Ya Mustafa Noor ul Huda Saani Tera Koi Nahiñ
Shams-ud-duha Koi Nahi Badr-ud-duja Koi Nahi

 

Khatm-e Rusul Khair-ul Amal Koi Nahi Tera Badal
Aayeena-e Husn-e Azal Tere Siwa Koi Nahiñ

 

Jaayeñ Kahañ Ham Be-Nawa Aaqa Tere Dar Ke Siwa
Ham BeKasoñ Ka Aasra Ya Mustafa Koi Nahiñ

 

Ai Mazhar-e Noor-e Khuda Tum Sa Kahañ Hai Doosra
Tum Ho Imaam-ul Ambiya Tum Sa Hua Koi Nahiñ

 

Ya Mustafa Noor ul Huda Saani Tera Koi Nahiñ
Shams-ud-duha Koi Nahi Badr-ud-duja Koi Nahi

By sulta