Tu Ne Apna Bana Kar Nazar Pher Li Lyrics

 

 

Wo tumhe yaad kare jisne bhulaya ho kabhi
Maine tumko na bhulaya na kabhi yaad kiya.

 

Nazar neechi karli haya ban gayi
Nazar ooñchi kali dua ban gayi
Nazar tirchhi kar li Ada ban gayi
Nazar pher li to qaza ban gayi.

 

Tu Ne Apna Bana Kar Nazar Pher Li Lyrics

Tu Ne Apna Bana Kar Nazar Pher Li
Mere Dil ka sukooñ na gahaañ lut gaya,

Mujhko loota tere ishq ne jaan e jaañ
Maiñ tere ishq mein Jaan e Jaañ lut gaya.

 

Chand tinke faqat meri jaageer thei
Wo bhi baad e khazaañ loot kar le gayi,

Maine dekha na fasl e bahaari ka muñh
Maiñ qafas mein raha aashiyañ lut gaya.

 

Leke kaabe ka armaan ghar se chala
Maikde meiñ dil e muztarib Le gaya,

Maine jaana kahañ tha kahañ tha kahañ aa gaya
Maine lutna kahañ tha kahañ lut gaya.

 

Rah gaya mere lutne ka zinda nishaañ
Doom meri zamane mein har soo machi,

Woh jagah yaad gaar e mohabbat bani
Main mohabbat ki khatir jahañ lut gaya.

 

Aye Naseem e Sahar jaa, tera shukriya
Maut meiñ gul ka mujh ko na paighaam de,

Raas aayi kisi ko na furqat teri
Maine lutna kahañ tha kahañ lut gaya.

 

Mera lutne ka aalam na kuchh poochhiye
Aa gaya ik but e bewafa pe yuñhi,

Dil ne socha na samjha na pahchan ki
Dil ko lutna kahañ tha kahañ lut gaya.

 

Maine lutne se pahle ye socha ke maiñ
Raaz ki baat hi un se kah kar lutooñ,

Raaz ki baat to rah gayi raaz meiñ
Mujh se pahle mera raazdañ lut gaya.

 

Dil mera Ishq baazi mein anjaan tha
Aa gaya ik bute bewafa pe yunhi,

Dil ne socha na samjha na pahchan ki
Isko lutna kahañ tha kahañ lut gaya.

By sulta