Tera Gham Rahe Salamat Lyrics

 

 

Tera Gham Rahe Salamat Yahi Meri Zindagi Hai
Tere Gham Se Mere Jaanañ Mere Dil Meiñ Raushni Hai

 

Meri Mai-Kashi Ka Haasil Wo Sharaab Ban Gayi Hai
Jo Mili Teri Nazar Se Jo Teri Nazar Se Pi Hai

 

Tujhe Saamne Bitha Kar Sada Poojta Rahooñ Maiñ
Hai Yahi Meri Ibaadat Yahi Meri Bandagi Hai

 

Mere Dil Meiñ Basne Waale Tujhe Kaise Bhool Jaauñ
Tera Ishq Mera Mazhab Teri Yaad Zindagi Hai

 

Meri Iltija Hai Tujh Se Meri Zindagi Badal De
Ki Tere Karam Se Jaanañ Meri Lau Lagi Hui Hai

 

Maiñ Faqeer e Aastañ Hooñ Meri Laaj Rakh Khudara
Ye Jabeeñ e Shauq Meri Tere Dar Pe Jhuk Gayi Hai

 

Maiñ Fana Ki Manziloñ Meiñ Hooñ Fana Ke Baad Zinda
Teri Aarzu Meñ Mit Kar Mujhe Zindagi Mili Hai.

By sulta