Sitaron Se Aage Jahan Aur Bhi Hain Lyrics

 

 

 

Sitaron Se Aage Jahan Aur Bhi Haiñ Lyrics

Qawwal: Ustad Rahat Fateh Ali Khan

Sitaron se aage jahan aur bhi hain qawwali lyrics
Sitaron Se Aage Jahañ Aur Bhi Haiñ
Poet: Hazrat Allama Iqbal r.a.

| हिन्दी लिरिक्स |

Aaa…

Fareb-e-Nazar Hai, Sukoon-o-Sabaat

Tadapta Hai Har Zarra-e-Kaayenat

 

Thaherta Nahiñ Karvaan-e-Wujood

Ke Har Lahza Hai Taaza Shaan-e-Wujood

 

Samajhta Hai Tu Raaz Hai Zindagi

Faqt Zauq-e-Parwaaz Hai Zindagi

 

Jawano Ko, Meri Aah-e-Seher De

Phir in Shaaheeñ Bachhoñ ko Baal-o-Par de

Khudaya Aarzoo Meri Yahi Hai

Mera Noor-e-Baseerat Aam Kar De

 

Sitaron Se Aage Jahan Aur Bhi Haiñ…..
Abhi Ishq Ke

Abhi Ishq Ke Imtihan Aur Bhi Haiñ

 

Sitaron Se Aage Jahañ Aur Bhi Hain..

 

Har Ek Maqaam Se Aage

Har Ek Maqaam Se Aage, Maqaam Hai Tera

Hayaat-e-Zaat-e-Safar Ke Siwa Kuch Aur Nahiñ

Sitaroñ Se Aage Jahañ Aur Bhi Hain..

 

Tahee Zindagi Se Nahiñ Ye Fizaayeiñ..

(Sargam)

Tahee Zindagi Se Nahiñ Ye Fizaayeiñ..

Yahañ Saikdoñ Carvaañ Aur Bhi Hain..

 

Qanaa’at Na Kar Aalam-e-Rang-o-Boo Par ….

 

Tu Hi Nadaan Chand Kaliyon Par Qanaat Kar Gaya

Warna Gulshan Mein ilaaj-e-Tangi-e-Damaañ Bhi Hai

Qanaa’at Na Kar Aalam-e-Rang-o-Boo par…

Chaman Aur Bhi, Aashiyaan Aur Bhi Haiñ..

 

Agar Kho-Gaya Ik Nasheman To Kya Gham

Maqaamaat-e-Aah-o-Fughaañ Aur Bhi Haiñ…..

 

Agar Kho-Gaya Ik Nasheman To Kya Gham

Muqaamaat-e-Aah-o-Fughaañ Aur Bhi Haiñ..

 

Nishaañ Yahi hai Zamaane Meiñ Zinda Qaumoñ ka

Ke Subh-o-Shaam Badalti Haiñ Unki Taqdeereiñ

Maqaamaat-e-Aah-o-Fughaañ Aur Bhi Haiñ ….

 

Na Poocho Mujhse Lazzat Khanma Barbaad rehne ki

Nasheman Sainkdoñ Maiñe Banaakar Phooñk Daale Haiñ

Maqaamaat-e-Aah-o-Fughaañ aur bhi haiñ ….

 

(Sargam)

Maqaamaat-e-Aah-o-Fughaañ aur bhi haiñ…..

 

Tu Shaaheeñ Hai, Parvaaz Hai Kaam Tera…

 

Nahiñ Tera Nasheman, Qasr-e-Sultani ke Gumbad Par

Tu Shaaheeñ Hai Basera Kar Pahaadoñ ki Chataanoñ Par

 

Tu Shaaheeñ Hai, Parvaaz Hai Kaam Tera..

 

Guzar-Auqat Kar Leta Hai Ye Koh-o-Bayabañ Meiñ

Ke Shaaheen Ke Liye Zillat Hai Kaar-e-Aashiyañ-Kaari

Tu Shaaheeñ Hai, Parvaaz Hai Kaam Tera..

 

Garche Hai Dil-kushañ Bahot, Husn-e-Farang ki Bahar

Taairek-e-Buland-o-Baal Daana-o-Daam Se Guzar

Tu Shaaheeñ Hai, Parvaaz Hai Kaam Tera ….

 

Ae Taair-e-Laahooti Us Rizq Se Maut Achchhi

Jis Rizq Se Aati Ho Parwaaz Meiñ Kotaahi

Tu Shaaheeñ Hai, Parvaaz Hai Kaam Tera ….

Tere Saamne Aasmaañ Aur Bhi Haiñ…

 

Jhapatna, Palatna, Palatkar Jhapatna

Lahu Garm Rakhne ka Hai ik Bahaana

Parindo Ki Duniya Ka Darweish Hooñ Maiñ

Ke Shaaheeñ Banata Nahi Aashiyaana

Tere Saamne Aasmaañ Aur Bhi Haiñ..

 

Gaye Din Ke Tanhaa Thaa Maiñ Anjuman Meiñ ..

Yahañ ab Mere Raaz-Daañ Aur Bhi Haiñ ..

Sitaroñ se Aage Jahañ Aur Bhi Haiñ

Abhi Ishq Ke

Abhi Ishq Ke Imtahaañ Aur Bhi Haiñ

 

Sitaroñ se Aage Jahañ Aur Bhi Haiñ

Sitaron se Aage Jahaañ Aur Bhi Hai

By sulta