Sitam Hai Lekin Gila Nahi Hai Lyrics

 

 

rahe wafa mein wo hungam aa hi jayega
ke unke lab pe hamara bhi naam aaega,

chhupa liya hai jo dil mein woh aapka gham hai
yeh zindagi mein kabhi kaam aa hi jaega.

 

Sitam Hai Lekin Gila Nahin Hai
Alam Hai Fikr e Alam Nahin Hai
Sitam Hai Lekin Gila Nahin Hai
Alam Hai Fikr e Alam Nahin Hai,
Jo Gham Samajh Kar Diya Hai Tu Ne
Qasam Khuda Ki Wo Gham Nahi Hai.

 

Zabaañ Hilaauñ Kisi Ke Aage
Ye Hukm e Chashm e Sanam Nahi Hai,
Kaleja Gham Se Sulag Raha Hai
Magar Meri Aañkh Nam Nahi Hai.

 

Ye Uski Zid Hai Ke Mujh Ko Poojo
Meri Ye Zidd Hai Ke Samne Aa,
Mere Mazaaq e Aboodiyat Ko
Talash e Dair o Haram Nahin Hai.

 

Ye Uski Marzi, Ye Uski Bakhshish
Wo Jis Qadar Chahe Apna Gham De,
Maiñ Apni Qismat Pe Mutmayin Hooñ
Shikayat e Pesh o Kam Nahi Hai.

 

Yahañ Ke Aadaab Aur Kuchh Haiñ
Zara Sañbhal Kar Tawaaf Karna,
Ye Ishq Ki Anjuman Hai, Waiz
Maqam e Dair o Haram Nahi Hai

 

Qadam Qadam Imtehaañ Haiñ Zahid
Nafas Nafas Aazmayisheñ Haiñ
Kahañ Kahañ Sar Jhukayega Tu ?
Kahañ Kahañ Wo Sanam Nahi Hai !

 

Sitam Hai Lekin Gila Nahin Hai
Alam Hai Fikr e Alam Nahin Hai..

By sulta