Shahsawar e Karbala ki Shahsawari ko Salam Lyrics

 

 

Rasme Ushshaq yahi hai ke wafa karte hain
Yaani har haal mein haq apna ada karte hain

Hosla Hazrate Shabbir ka Allah Allah
Sar juda hota hai aur Shukr e Khuda karte hein

Shahsawar e Karbala ki Shahsawari ko Salam
Shahsawar e Karbala ki Shahsawari ko Salam

ShahSawar e Karbala ki ShahSawari ko Salam
Neze pe Qur’aan padne wale Qari ko Salam

Kunba khuda ki raah mein Sara luta diya

Neze pe Qur’aan padne wale Qari ko Salam..

 

Raat Din bichhde huoñ ki Raah meiñ rehna khade
Hazrate Sughra Tumhari intezari ko Salam

 

Sar se Chadar chhin gayi lekin nazar utThi Nahiñ
Hazrat-e Zainab Tumhari Parda-dari ko Salam

 

Muskurate teigh pe roshan kiya rangeeñ charagh
Akbar o Qasim Tumhari Jaañ-nisari ko Salam

 

Kaañp Utha Arsh Ka Dil Aasmañ Tharra Gaya
Asghar e Maa’soom Teri Be-Qarari Ko Salam

 

Kat gaya Kunba musibat sar pe aayi, lut gayi

Ho gayi Bhai Bhatijon se judai, lut gayi

Umr bhar ki dasht e ghurbat mein kamayi, lut gayi

Roke jab kahti thi Zainab haaye bhai lut gayi

Ghar Ali ka kya luta sari Khudai lut gayi

 

Har Imtihañ mein Sabir o Shakir rahe Hussain
Kohe Alam uthane ko hazir rahe Hussain

 

Dhoke se kufiyoñ ne bula kar sitam kiya
Mehman e Be-watan ko bula kar sitam kiya

 

Khema laga na naher pe Ahmad ki aal ka
Pani bhi band kar diya Zahra ke Laal ka

 

Laashoñ ko bhanjon ki lahu mein saja ke laaye
Toote hue bahisht ke Taare uthake laaye

 

Aaya kisi ko paas na Rooh e Rasool ka
Gul kar diya charag Mazar e Batool ka

 

Qasim ki maut tod gayi Aas, uff na ki
Pyase Shahid ho gaye Abbas, uff na ki

 

Sookhe gale pe teer laga khooñ me bhar gaye
Akbar tadapte kaañpe haathoñ mein mar gaye

 

Shah Saware Karbala ki Shah Sawari ko Salam
Shah Saware Karbala ki Shah Sawari ko Salam

———– Additional Verses ———–

Pee ke ‘Saim‘ jhoomta tha jisko Karbal ka Shahid
Wada e Ishq e Nabi Teri khumaari ko salam

 

Dastaar hai Husain ke sar pe Rasool ki
Thi maut bhi kabool to esi kabool thi

Chahere pe jiske Maula Ali ka jalal hai
Qabze mein jiske Bhai Hasan ka kamal hai

Mein kya kahun mein kaun meri kya majal hai
Sab jaante hein Fatima Zahra ka laal hai

Chehra Rasool ka labo lahja Rasool ka
Aankhon mein khinch raha hai sarapa Rasool ka

Shah Saware Karbala ki Shah Sawari ko Salam
Shah Saware Karbala ki Shah Sawari ko Salam

By sulta