Muharram Shahidi Kalam Lyrics
Muharram Shahidi Kalam Lyrics
Waaride Karbala
Aye Momino Hussain Se Maqtal Qareeb Hai
Aye Momino Hussain Se Maqtal Qareeb Hai
Aaqir Hae Umr Manzil- E- Awwal Qareeb Hai
Shahr- E- Madina Door Hae Jangal Qareeb Hai
Zehra Ka Chand Chupta Hae Baadal Qareeb Hai
Lene Ke Waaste Malakul Mout Aate Hain
Marad Ko Apne Paaun Se Shabbir Jaate Hain
Al Qissa Manzil – E- Aaqir Ayaan Huwi
Lekin Ye Subha Sibte Nabi Ko Kahan Huwi
Jisja Sawari Ruki Na Aage Rawaan Huwi
Hairaan Sipaah Qusro Koun – O- Makaan Huwi
Che Ghode Badle Dosh- E- Nabi Ke Sawaar Ne
Lekin Qadam Badhaya Na Ek Raahwaar Ne
Jumbish Na Markaboun Me Na Paai Hus Sain Ne
Ek Mushk Qaak Jhuk Ke Uthaai Hussain Ne
Qud Sunghi Aur Bahan Ko Sunghaai Hussain Ne
Hamsheer Ki Suni Ye Duhaai Hussain Ne
Hae Hae Ye Qhaak Phainko Meri Jaan Jaati Hai
Bhayya Tumhare Khoon Ki Bu Is Me Aati Hai
Bashindoun Ko Wahan Ke, Ye Moula Ne D I Nidaa
Naam Is Zameen Ke Jitne Ho Lo Tum Juda Juda
Wo Bol Aap Ko Ho Mubarak Harek Balaa
Ye Nainawa Hae, Maariya Hae, Aur Karbala
Maabood Ye Qaleel Ka Gunbad Maseeh Ka
Shah Bole Ab Ye Hoega Madfan Zabeeh Ka
Abbas Ko Pukare Na Aage Alam Badhaao
Manzil Yah I Hae Chaoni Pardesiyoun Ki Chaao
Hamshakl- E- Mustafa Ko Nida Di Badhe Na Jaao
Beta Qanaathen Ghero Sarache Yahin Lagao
Ghurrah Ko Tu Huwa Bithaa Ke Bahan Ko Shah – E- Huda
Daswin Ko Hoga Fatima Zehra Ka Ghar Tamaam
Al Qissa Qaime Hogaye Istaada Ja Baja
Aur Qaimou Mey Utharney Lage Aale Mustafa
Dewdi Se Par Kajaawe Zainab Nahi Mila
Khud Ehtemaam Karne Lage Shah – E Karbala
Page 29 Of 137
Roki Qanaath Akbar – O Kasim Ne Aan Kar
Abbas Gird Phirne Lage Naiza Taan Kar
Masnad Pa Yaan Bithaa Ke Bahan Ko Shah – E- Huda
Kursi Bichaa Ke Baithe Qharibe Haram Sara
The Dast Bastha Gird Jawanaane Mahtaqa
Leleke Nazren Aai Zameen Daare Karbala
Istaadah Farte Gham Se Jo Shabbir Hogaye
Nazroun Pa Haath Rakh Ke Baghai Geer Hogaye
Bithlake Pahluoun Me Unhe Ye Kiya Bayaan
Aye Karbalaiyo Main Tumhara Hoon Mehmaan
Zalim Mujhe Sataate Hain Jata Hoon Main Jahan
Baecho Jo Ye Zameen To Chand Din Rahoon Yahaan
Rahne Se Yaan Hamare Sab Aaram Paaenge
Khaake Shifa Tumhari Zameen Ko Banaenge
Deenar Deke Saatt Hazaar Unko Ye Kaha
Main Ne Tumhe Ye Baqshi Zameen Tum Karo Hiba
Shabbir Ke Maamle Par Sab Ne Ro Diya
Likhne Laga Qabala Zamindaare Karbala
Ghul Padgaya Hussain Watan Ko Na Jaenge
Lo Moul- Li Zameen Yahin Basti Basaenge
Marqoom Horaha Tha Qhabala Ke Nagahaan
Qalme Se Ek Zan – E- Arabiya Huwi Ayaan
Sar Ta Qadam Libas Me Sara Badan Nehaan
Par Uspa Bhi Aya Se Larazthe The Isteqaan
Betaab Hoke Ulfate Akbar Me Aai Thi
Raavi Ne Ye Likha Hae Wo Zehra Ki Jaai Thi
Lekar Balaen Bhai Ke Kuch Kaan Me Kaha
Aur Jaldi Yun Phiri Ke Na Saaya Nazar Pada
Kursi Se Yaan Tadap Ke Gire Shah – E- Karbala
Abbas Ne Utha Ke Kaha Haae Kya Huwa
Moula Bataa Qhasam Tujhe Shireen Butool Ki
Kya Kahgayi Nawasi Janab Rasool Ki
Shah Bole Aah Mujh Se Ye Zainab Ka Tha Kalaam
Bhayaa Qhabala Me Ali Akbar Ka Huwe Naam
Yani Ke Uski Milk Me Ho Ye Zamin Tamaan
Abbas Jaao Kahdo Ke Majboo Hae Imaam
Attarah Saal Ke Ye Zamane Se Jaaenge
Ke Qabr Ki Jagah Ali Akbar Bhi Paaenge
Abbas Aaye Qaime Me Kehne Ko Ye Payaam
Zainab Ne Dekhte Hi Unhen Ye Kiya Kalaam
Kyun Bhai Meri Baat Pa Raazi Huwe Imaam
Likha Gaya Qhabala Me Akbar Ka Mere Naam
Dulha Banaaungi Main Dulhan Biyaah Laungi
Akbar Ke Naam Ki Yahan Basti Basaungi
Ab Waqt Hai Dua Ka Ke Hai Shiddath – E Buka Aaye
Kahi Dabeer Mohib – Baane Murtuza
Yarab Hai Jitne Shiyya Sultaane Laafata
Maqsad Baraaye Sabke My Baaniye Aza
Ya Rab Na Koi Gham Ho Inhe Juz Ghame Hussain
In Dostou Ke Haath Ho Aur Maatamey Hussain
Musaferoun Ki Madine Me Jab Raseed Aai
Musaferoun Ki Madine Me Jab Raseed Aai
Ke Waadagaah Me Fouj- E- Shahe Saeed Aai
Raseed Aate Hi Sughra Ke Ghar Me Eid Aai
Tap- E- Kohan Gayi Aur Taaqate Jadeed Aai
Page 30 Of 137
Malaal Door Huwa Aish Ke Qareene Se
Buqaar Nabz Se, Gham Dil Se, Dard Seene Se
Gharaz Ke Hazrate Ummul Baneen Ko Bulwaaya
Wo Aayee To Sare Tasleem Uth Ke Neohdaya
Wo Hans Ke Bouli Ke Kyun Yaad Mujh Ko Farmaya
Kaha Mareez Ne Qush Ho Ke Shah Ka Qat Aaya
Hamare Dil Ko Faqat Naamabar Ne Chain Diya
Mohammade Hanafi Ko Qate Hussain Diya
Ye Kahke Madar- E- Abbas Ko Liya Hamraah
Mohammed- E- Hanafi Ke Ghar Aai Duqtar – E- Shah
Wo Muntazar Thay Liye Naama – E Shah- E Zeejah
Salaam Karte Hi Kahne Lagi Ba Nalao Aah
Lo Ab Sunaao Imam- E- Ghareeb Ka Naama
Padho Mareez Ke Aage Tabeeb Ka Naama
Mohammed- E Hanafi Ne Kiya Lifafe Ko Wa
Nikala Shuqhai Purnoor Syedus Shohdaa
Padha Jo Naamay Me Alqaab Apna Roke Kaha
Hussain Tere Karam Par My Laakh Jaan Se Fidaa
Kahaan Main Tera Baradar Baja Baraabar Hoon
Tu Jaane Qatme Rasul Hai, Main Ibn – E- Hyder Hoon
Aqi Ka Lafz Jo Alqaab Me Mere Likkhaa
Faqat Ye Banda Nawazi Hai Ya Imam – E- Huda
Tera Ghulam Hai Abbas, Main Ghulam Uska
Hazaar Haif Qadam Se Huzoor Ke Hoon Juda
Liya Jo Naam- E- Judai To Aansu Bahne Lage
Salaam Padh Ke Alaikas Salaam Kahne Lage
Kaha Ye Fatima Sughra Se Tab Ba Deeda – E- Tar
Likha Hai Baap Ne Tum Ko Ke Aye Meri Duqtar
Dua Ke Baad Ho Maloom Meri Noor – E- Nazar
Koi Ghadi Nahi Ghafil Teri Taraf Se Pidar
Qalaq Hai Sadma Hai, Ranj – O Malaal Hai Sughra
Adoo Ke Narghe Me Zehra Ka Laal Hai Sughra
Wafoor- E- Fikr Se Sughra Jo Saqt Ghabraai
Chacha Ka Apne Qalamdaan Wo Utha Laai
Aur Iltemaas Kiya Aye Hussain Ke Bhaai
Mujhe To Hai Na Tawaanaai Aur Na Beenai
Meri Taraf Se Wo Alqaab Likho Baba Ko
Kanizen Likhti Hain Jis Tarha Apne Aqha Ko
Ghareeb Parwar- O- Aalim Nawaaz – O Qalq- E- Panah
Mulk Sipaahe Falak Bargah – E- Shahinshah
Imam Bekas – O Mazloom O Be Dayaar – O Tabaah
Qaleel Kaaba- E- Deen Yousuf- E- Rasoolallah
Ajal Rasidoun Ke Eisa, Ghariboun Ke Waali
Hussain Ibn- E- Ali Muddezillahul Aali
Pas Az Shuroote Qadam Bousi Baad Taslimaat
Likho Zabani Se Sughra Ke Aye Shahe Qush Zaath
Main Tum Se Choot Ke Jaan Kundani Me Hoon Din Raat
Na Aarzu- E- Shifa Hai, Na Ab Umeede – Hayaat
Nahi Kisi Ko Tawaqqo Ke Ab Tahar Jaaun
Tum Aake Sura – E Yaseen Padho To Marjaaun
Rajab Ki Teesri Ko Tum Ne Ghar Kiya Veeran
Tumhare Baad Huwin Teen Eiden Baba Jaan
Shab- E Barat Huwi Doosre Mahine Ayaan
Barooh- E Hamza Na Thi Fateha Ki Taab – O- Tawaan
Tamaam Aah Tadapte Tadapte Raat Huwi
Hamare Ghar Me Na Eid – E- Shabe Baraat Huwi
Page 31 Of 137
Wo Eid To Gayi Din Eid – E- Fitr Ka Aaya
Ghar Aankar Mujhe Hamjoliyoun Ne Rulwaya
Kisi Ne Gehna, Kisi Ne Libaas Dikhlaya
Koi Ye Boli Ke Eidi Me Ham Ne Ye Paaya
Har Aik Khush Tha Magar Mere Lab Pa Naale The
Safar Me Sab Meri Eidi Ke Dene Wale The
Nazar Me Phirta Hai Eidde Guzishta Ka Aana
Wo Iddgaah Me Akbar Ka Dhoom Se Jaana
Bahan Ke Waaste Mewe Qarid Kar Lana
Wo Amma Bano Ka Har Dam Gale Se Liptaana
Bajabr Ab To Baghal Geer Jis Se Hoti Hoon
Bahan Sakina Ko Main Yaad Karke Roti Hoon
Fatima Sughra A.S
Kisi Beemar Ne Khat Apne Masiha
Kisi Beemar Ne Khat Apne Masiha Ko Likha
Haal Bimariyoun Ka Beti Ne Baba Ko Likha
Jojo Armaan Tha Dil Me Shah-E- Waala Ko Likha
Aur Salaam Apna Phupi Saniye Zehra Ko Likha
Dil Me Qush Thi Ke Mera Khat Jo Pahonch Jaega
Hai Yaqeen Ab Koi Lene Keliye Aaega
Khat Me Alqaab Ye Bekas Ne Kiya Tha Marqoom
Chahne Waale Pidar Mere Imam-E- Mazloom
Raath Din Roti Padi Rahti Hoon Ab To Maqhmoom
Aap To Bhoolgae Qair Ye Mera Maqsoom
Na Gilaa Tum Se Hae Na Koi Shikayath Baba
Haan Mubarak Ho Sakina Se Mohabbat Baba
Qair Tum Ko Na Sahi, Mujh Ko Hai Tum Se Ulfath
Kisi Surath Mujhe Dikhlaao Tum Apni Surath
Jaanti Hoon Ke Sakina Pa Bahut Hae Shaffqath
Accha Aye Baba Bahan Ki Mai Karoongi Qidmath
Mujh Ko Bulwake Wahaan Mera Bhi Dil Shaad Karo
Lo Kanizi Me Sakina Ki Mujhe Yaad Karo
Gar Nahi Mujh Ko Bulae Ho To Aao Baba
Shouq Se Apni Sakina Ko Bhi Laao Baba
Usko Sine Pa Sulaate Ho Sulaao Baba
Ham Ko Rulwate Ho To Qair Rulaao Baba
Ranj Sahti Huwi Dunya Se Guzar Jaaungi
Aap Aae Nahi Ek Roz Main Marjaaungi
Aarzu Hae Ke Kisi Tour Yahan Aajaaen
Aap Ki Jaan Se Door, Aah Jo Ham Marjaaen
Apne Hathown Se Kafan Aap Mujhe Pahnaaen
Aur Takleef Lahad Tak Bhi Zaa Farmaaen
Bas Ziyada Na Sawari Yahan Taheraiga
Dafn Karte Hi Mujhe Aap Chale Jaiega
Maa Ke Marqoom Tha Aye Madar-E- Farqanda Sear
Saqt Baba Ka Ki Tarha Karliya Tumne Bhi Jigar
Aas Bachne Ki Nahi Lijiye Ab Jald Qabar
Warna Bimaar Ka Ab Hota Hae Dunya Se Safar
Nahi Ummed Ke Bach Jaae Ye Muztar Amma
Doodh Ab Baqsh Do Bimaar Ko Aakar Amma
Page 32 Of 137
Tha Raqam Hazrat- E- Zainab Ko Phupi Naik Qisal
Tum Ko Bhayya Ali Akbar Se Mohabbat Ha Kamaal
Haae Har Dam Mujhe Reh Reh Ke Ye Aata Hae Qayaal
Ke Mera Bhai Pa Bhari Hai Ye Attharwan Saal
Haan Tasadduq Keliye Der Na Farmaaega
Sadqe Hone Keliye Bhai Pa Bulwaaega
Tha Alamdar Ko Tahreer Ke Abbas Chacha
Door Uftada Bhatiji Se Huwe Tum Bhi Qafa
Sunte Hain Aapki Har Baat Ko Mere Baba
Jujh Ko Bulwaaiye, Ya Laaiye, Unke Main Fidaa
Chumungi Unke Qadam Tumko Duaaen Doongi
Unki Bhi Aur Tumhari Bhi Balaen Loongi
Likha Akbar Ko Ke Aye Baap Ke Pyare Akbar
Aur Phupi Jaan Ke Bhi Raaj Dulaare Akbar
Mere Baba Ki Zaeefi Ke Sahare Akbar
Hae Ye Bimaar Bahan Gour Kinare Akbar
Waada Lejaane Ka Tha Dekhiye Kab Aate Hain
Aap To Aate Nahi Qalq Se Ham Jaate Hain
Tha Khitaab Asghar-E- Nadaan Se Ke Aye Rashk-E- Qamar
Ghutniyoun Bhi Na Chale Hoega Darpesh Safar
Mujhe Har Dam Tera Rahta Hae Qayaal Aath Pahar
Sote Ho Jhule Me Ya Jaagte Ho Aye Asghar
Neend Aaram Se Aur Chain Se Aati Hogi
Jab Sakina Tere Jhoole Ko Jhulati Hogi
Yaad Aate Hain Tumhare Wo Jhundule Mujhe Baal
Sadosi Saal Salaamath Raho Aye Mere Laal
Tumko Bimaar Bahan Ka Nahi Maloom Ahwaaai
Mout Nazdeek Hai Aur Zouf-O- Naqahath Hae Kamaai
Main Jo Marjaaun Kahin Bhool Na Jana Asghar
Ghuniyoun Chalte Huwe Qabr Pa Aana Asghar
Ye Na Tha Ilm Use Kat Gaya Sarwar Ka Gala
Qasim-O- Akbar-O- Abbas Huwe Shah Pa Fida
Teer Kha Kar Ali Asghar Bhi Gaye Sooe Baqaa
Baaqi Ek Bhai Tha Sajjad So Wo Qhaed Huwa
Maa, Phupi, Bahnain Lutin Qaime Bhi Taraaj Huwe
Aik Chaadar Ko Haram Shaah Ke Mohtaaj Huwe
Hazrat E Hurr A.S
Ran Me Jab Shah Ki Taraf Se Hurr-E- Deendar Aaya
Ran Me Jab Shah Ki Taraf Se Hurr-E- Deendar Aaya
Kis Bashashat Se Uddaataa Huwa Rehwaar Aaya
Ghul Huwa Syed-E-Mazloom Ka Ghamqhwaar Aaya
Jaan Nisaare Qhalafe Hyder-E Karrar Aaya
Tathqhey Noor Sarey Raah Nazar Aata Hae
Jalwa-E Qudrat-E Allah Nazar Aata Hae
Ye Suqan Sunke Pukara Pisar-E Saad-E Shareer
Haan Tarafdaar-E Shah-E Deen Pay Chaley Naiza-O- Teer
Leke Harboun Ko Badha Fouj Ka Amboh-E Kaseer
Fateha Padh Ke Jawan Mard Ne Khenchi Shamsheer
Hurr Ka Mu Surq Huwa Fouj-E- Sitam Zard Huwi
Shola-E- Tegh Se Bijli Ki Chamak Gird Huwi
Badh Ke Farmatey The Abbas Zahey Izzat-O- Jaah
Baarek Allah Ki Deta Tha Sada Dilbar-E Shah
Kahte The Ibn-E- Hasan Waah Hurr-E-Ghaazi Waah
Shah Har Zarb Pa Farmate The Masha Allah
Apni Jaan-Baazi Ka Ghaazi Jo Silaa Paata Tha
Muskurata Huwa Tasleem Ko Jhuk Jaata Tha
Page 33 Of 137
Haif Jhukne Me Layeenoun Ne Jo Fursat Paai
Saamna Choddh Ke Sab Fouj Aqab Se Aai
Laakh Khoon Reiz Idhar Aur Udhar Tanhaai
Baag Ghodey Ki Phiraata Tha Kay Barchi Khaayi
Aagaya Maut Ke Panje Me Na Kuch Deyr Lagi
Farqh Par Gurz Laga Dosh Pa Shamsheer Lagi
Seena Ghurbaal Huwa Teer Chale Aadaa Ke
Rakhdiya Sher Ne Qarbooz Pa Sar Neoda A Ke
Ali Akbar Ne Ye Hazrat Se Kaha Chilla Ke
Gar Ho Irshaad To Mehmaan Ko Bachaaun Jaake
Qaadim-E- Hazrate Zehra-O- Ali Girta Hae
Khaak Par Ab Wo Saeed-E- Azali Girta Hae
Shah Rone Lage Ye Sunte Hi Mehmaan Ki Qabar
Hogai Aansuoun Se Resh-E- Mubarak Sab Tar
Ali Akbar Se Kaha Tum Abhi Tahro Dilbar
Hurr Ki Imdaad Ko Ham Jaaenge Aye Noor -E Nazar
Kis Se Is Waqt Kahoon Main Jo Qhalaq Mujh Par Hai
Laash Uthaaunga Ke Mehmaan Ka Haq Mujh Par Hai
Ye Suqan Kah Ke Chale Ran Ko Janab-E- Shabbir
Waanh Gira Qhaak Pa Ghode Se Hurr-E- Ba Touqeer
Dekh Kar Shaah Ko Aate Huwe Bhaage Bepeer
Pahonche Laashe Pa Imam-E- Do Jahan Waqte Aqeer
Chaman-E- Hasti-E- Mehmaan Ko Ujadte Dekha
Qhaak Pa Aediyaan Zaqmi Ko Ragadte Dekha
Girke Laashe Ke Baraabar Ye Pukaare Sarwar
Mera Mehmaan-O- Madadgaar-O- Moin-O- Yaawar
Gurz Kya Tujhko Laga Toot Gayi Meri Kamar
Girpada Ghode Se Aur Aah Na Ki Hamko Qabar
Dost Ke Hujr Me Kab Ddost Ko Chain Aaya Hai
Kholde Chashm Ko Bhai, Ke Hussain Aaya Hai
Neem Waah Chashm Se Hurr Ne Ruq-E- Moula Dekha
Zeerey Sar Zanu-E- Shabbir Ka Takya Dekha
Muskura Kar Taraf-E- Aalam-E-Baala Dekha
Shah Ne Farmaya Ke Aye Hurr-E- Jari Kya Dekha
Arz Ki Husn-E Ruqh-E Hoor Nazar Aata Hai
Farsh Se Arsh Talak Noor Nazar Aata Hai
Mujh Ko Lene Chale Aatey Hain Farishte Ya Shah
Malakul Maut Bhi Karta Hai Mohabbat Ki Nigaah
Qhuld Se Sher-E- Khuda Nikle Hain Allah Allah
Lo Baramadh Huwe Shabbar Bhi Pidar Ke Hamraah
Nange Sar Ahmed-E- Muqtar Ki Pyari Aayi
Dekhiye Aap Ke Nana Ki Sawaari Aai
Kahke Ye Godh Me Shabbir Ke Li Angdaai
Aaya Maathe Pa Araq Chahre Pa Zardi Chaai
Sheh Ne Farmaya Hamen Chodd Chale Kyun Bhai
Chal Basey Hurr-E- Jaree Phir Na Kuch Aawaz Aai
Taair-E Rooh Ne Parwaaz Ki Toobaa Ki Taraf
Putliyaan Rahgayeen Phir Kar Shah-E- Wala Ki Taraf
Rokey Akbar Ne Kaha Hurr-E- Dilawar Hai Hai
Aye Madadgaare Jigar Bandey Payambar Hai Hai
Khoon Me Sab Tar Hai Tera Roohey Munawwar Hai Hai
Tashna-O Bekas-O Mazloom Ke Yaawar Hai Hai
Idhar Aana Tha Ke Teri Ajal Aayi Bhai
Ghar Me Sadaat Ke Dawat Bhi Na Khaayi Bhaai
Page 34 Of 137
Shahzade Aoun-O-Mohd A.S
Dozaq Se Jab Aazad Kiya Hurr Ko Quda Ne
Dozaq Se Jab Aazad Kiya Hurr Ko Quda Ne
Khul-Wadiye Firdous Ke Dar Uqda Kusha Ne
Zaanu Pa Rakha Sar Ko Imam-E- Dosara Ne
Aala Kiya Adna Ko Buzurgoun Ki Duaa Ne
Sab Jiske Talabgaar The Jannat Me Wo Dar Tha
Hooran-E- Jinnan Gird Theen Aur Beech Me Hurr Tha
Jab Dechuke Sab Qair Azeezo Ki Tarha Sar
Bejaa Huwe Do El-Chi Shah Ke Dilbar
Marne Pe Kamar Baandh-Te The Kasim-E Be Par
Kehti Thi Jhukaaye Huwe Sar Shah K I Kohar
Hai Saqth Ajab Dono Ki Daanayee Se Mujh Ko
In Betou Ne Mehboob Kiya Bhai Se Mujh Ko
Ye Zikr Abhi Tha Ke Sada Rone Ki Aai
Darwaze Se Akbar Ne Ye Awaaz Sunaai
Looti Gayi Hai Hai Phupi Amma Ki Kamaai
Maare Gaye Do Saath Ke Khele Huwe Bhaai
Rote Huwe Abbas Bhi Hamraah Gaye Hain
Qud Laashe Uthane Keliye Shaah Gaye Hain
Fizza Ki Sada Aai Ke Aye Peetne Walo
Sab Milke Are Meri Quzadi Ko Sambhalo
Roti Hai Kidhar Bano-E- Aalam Ko Bulalao
Loota Gaya Ghar Qaak-E- Azaa Baloun Pa Daalo
Maqtal Se Hussain Ibn-E-Ali Laate Hain Laashe
Saidaaniyo Dewdhi. Pa Chalo Aate Hain Laashe
Lashoun Ko Shah-E- Deen Saf-E- Matam Pa Jo Laae
Sab Ahl-E- Haram Peet- Te Rote Huwe Aae
Zainab Ne Na Faryaad Ki Ne Ashk Bahaae
Baithi Rahi Sar Zaanu-E- Aqdas Pa Jhukaae
Lab Qushk The Mu Faq Tha, Miza Ashkoun Se Tar Thi
Nae Apne Na Bhai Ki Na Lashoun Ki Qabar Thi
Bano Ne Rakhe Zaano-E- Zainab Pa Sar Unke
Jo Bibiyaan Thi Aagaye Mu Ko Jigar Unke
Zainab Ne Jo Ki Jhuk Ke Ruqoun Pe Nazar Unke
Dikhlaai Diye Chand Se Mu Qoon Me Tar Unke
Ruqsaar Bhi Majrooh The, Abru Bhi Kate The
Shane Bhi Juda Chand Se Baazu Bhi Kate The
Mu Chatiyoun Pe Rakh Ke Wo Nashaad Pukari
Aaram Me Hoti Hai Ghashi Pyas Se Taari
Hota Hai Bayaan Shoukatou Himmat Ka Tumhari
Tasleem Karo Qibla-E- Kounain Ko Wari
Samjhi Mai Ke Ba As Hai Ye Bedariye Shab Ka
Pyaro Ye Tariqha Nahi Arbabe Adab Ka
Ta-Reef-E Imama-E- Dosara Karte Hain Uttho
Abbas-E- Alamdar Sana Karte Hain Uttho
Hamshakle Nabi Madhe Vigha Karte Hain Uttho
Sab Log Na Uthne Ka Gila Karte Hain Uttha
Aaqa Se Musibath Me Juda Ho Nahi Jaate
Sadqe Gayi Youn Jung Ke Din So Nahi Jaate
Pyaro Tum Akele Kabhi Nikle Nahi Ghar Se
Rastoun Se Na Waqif Na Soobat-E- Safar Se
Raahen Wo Ke Qaali Nahi Jo Qouf-O-Qatar Se
Jo Qaasa-E- Baari Hain Wo Tharrate Hain Dar Se
Page 35 Of 137
Is Qouf Se Ratoun Ko Na Sote The Mohammed
Jab Mout Ka Zikr Aata Tha Rote The Mohammed
Hae Hae Wahi Rasta Tumhen Darpaesh Hai Pyaro
Tum Mard Ho Jarrar Ho Himmath Ko Na Haaro
Ab Aankhoun Se Chhup Jaaoge Aye Arsh Ke Taaro
Bacho Mujhe Manzil Ka Pata Deke Sidharo
Virane Me Ya Gulshane Hasti Me Rahoge
Tum Aajki Shab Kounsi Basti Me Rahoge
Ab Zeest Se Amma Ka Bhi Dil Sair Hai Pyaro
Jeeti Hoon Main Qismat Ka Meri Phair Hae Pyaro
Kya Jaane Meri Mout Me Kya Deyr Hai Pyaro
Tum Margaye Dunya Mujhe Andher Hai Pyaro
Hae Kounsi Doulat Jise Khone Ko Rahi Hoon
Maloom Nahi Ab Kise Rone Ko Rahi Hoon
Taariki Me Vaari Tumhe Neend Aayegi Kyon Kar
Shab Hogi To Bachown Ko Ye Maa Paaegi Kyon Kar
Maadar Dil-E- Betaab Ko Samjhaegi Kyon Kar
Waan Tak Mere Rone Ki Sada Jaaegi Kyon Kar
Nikloon Jo Tajassus Me To Bejaa Nahi Waari
Maa Hoon Mera Pathar Ka Kaleja Nahi Waari
Maqtal Me Qiyaam Aaj Kahan Hoga Batado
Maa Sadqe Muqaam Aaj Kahan Hoga Batado
Din Tumko Tamaam Aaj Kahan Hoga Batado
Bistar Sar-E- Sham Aaj Kahan Hoga Batado
Hamwaar Zameen Shab Ke Bichone Ko Milegi
Kaisi Hae Jagah Jo Tumhen Sone Ko Milegi
Hamraah Na Takiya Hai Na Rahath Ka Bichona
Do Bhai Ho Tum Ek Jagah Raat Ko Sona
Maloom Hai Chote Ka Tumhe Chouk Ke Rona
Sadqe Gayi Gaafil Mere Bach-Che Se Na Hona
Be Ma Ke Sehar Rone Me Hojati Thi Usko
Pehlu Mera Milta Tha Tou Needh Aati Thi Usko
Tukde Tha Kaleja Ye Bayaan Dard Ke Sun Kar
Ek Hashr Tha Saidaniyaan Jab Peet- Ti Thi Sar
Bano Ne Kaha Qibla-E- Kounain Se Uth Kar
Marjaaegi Maa Lashoun Ko Le Jaiye Bahar
Farzandoun Ka Gham Qhaleqe Aalam Na Dikhae
Allah Kisi Maa Ko Ye Maatam Na Dikhae
Jab Zainab-E- Ghareeb Ke Ran Me Pisar Lade
Jab Zainab-E- Ghareeb Ke Ran Me Pisar Lade
Tanha Lade Ye, Aah Wo Sab Ahl-E- Shar Lade
Kis Khoobsurti Se Ali Ke Jigar Lade
Ek Shour Padgaya Ke Ghazab Sher-E- Nar Lade
Wirsa Unhen Mila Hae Janab-E- Ameer Ka
Ye Zour Sab Hae Sher Ki Beti Ke Sher Ka
Zainab Jo Nange Paaun Khadi Thi Qarib -E- Dar
Abbas Jaake Dete The Ye Dambadam Qabar
Roain Na Ab Huzoor Mohim Hochuki Hae Sar
Laakhoun Se Lad Rahe Hain Ghazab Aapke Pisar
Zor Aaj Phir Dikhadiya Qaibar Kushal Ka
Ab To Unhin Ke Haath Hae Maidan Laddai Ka
Aansu Baha Ke Bint-E- Ali Ne Kaha Ke Haan
De Aur Himmaten Unhain Qallqa-E- Ins-O- Jaan
Bachche Kahan, Hazaroun Ka Wo Maareka Kahan
Kuch Huwa Unhey Falak Ne, Na Hone Diya Jawaan
Be-Ashoon Aur Us Pa Mujhe Etemaad Hae
Qhaaleq Wo Deke Jo Mere Dil Ki Murad Hae
Page 36 Of 137
Bhayya Kuch Apne Betoun Ka Mujh Ko Nahi Qayaal
Marjaeen Ladke Ya Ke Ho Taapoun Se Paaemaal
Sadqe Karoon Hazaar Jo Aise Ho Nounihaal
Sab Doulatain Luten, Pa Bache Fatima K A Laal
Aae Bahan Pa Wo Jo Balaa Unpa Aai Ho
Dunya Me Koi O Ke Na Ho Mera Bhaai Ho
Ye Zikr Tha Ke Bhaai Ko Hazrath Ne Di Sadaa
Abbas Aao Ghir Gaye Zainab Ke Dilruba
Dowdhe Sadaa Ye Sunte Hi Abbas-E- Bawafaa
Asnaa-E- Raah Me Ali Akbar Ne Ye Kaha
Zinda Rakha Falak Ne Ye Aansu Bahane Ko
Chaliye Huzoor Jaate Hain Laashe Uthaane Ko
Pyaari Bahen Ke Betou Ka Dekha Jo Shay Ne Haal
Tan Chaak Chaak Hai Gulesadh Barg Ki Misaal
Uljhe Hai Paich Khaye Huwe Gesuwo Ke Baal
Oodey Hai Hott Chand Se Chehre Lahu Se Laal
Mathe Hai Sakl Sarou Se Amaamey Bhi Door Hai
Sab Choti Choti Pasliya Teghou Se Choor Hai
Chillay Gardanou Ke Tale Haath Deke Sha
Mu Se Milao Mu Ke Mera Haal Hai Taba
Aakho Mey Dam Tha Bolte Kyun Kar Wo Rash Ke Maa
Rote The Nabz Dekhke Abbas Se Arshjaa
Dunya Se Kooch Karte The Bach-Che Pale Huwe
Haathou Me The Hussain Ke Manke Dhale Huwe
Chillay Roke Hazrathe Abbas-E- Naamwar
Chota Tamaam Hogaya Ya Shah-E- Bahrobar
Hazrath Pukaare Haath Kaleje Pa Maar Kar
Hae Hae Bada Bhi Mar Gaya Veeran Huwa Ye Ghar
Maa Muntazar Hae Chaak Garebaan Kiye Huwe
Kis Mu Se Jaaun Qaime Me Laashe Liye Huwe
Kuch Kuch Abhi Tha Dam Ke Unhein Le Chale Imam
Ek Laash Ko Tho Aap Liye The Shah-E- Anaam
Aurk Aik Laash Hazrathe Abbas-E- Naik Naam
Qaima Tha Saamne Ke Biza-Ath Huwi Tamaam
Jeete Na Pahonche Haae Ghazab Qaimagaah Me
Dono Sagheer Margaye Asnaa-E- Raah Me
Zainab Ke Dil Ko Hogayi Waan Qudbaqud Qabar
Jaa Baithi Aap Matami Saf Par Jhuka Ke Sar
Laae Hussain Dono Ke Laashe Lahu Me Tar
Farmaya Haae Lut Gaya Bekas Bahan Ka Ghar
Do Qanjar Aik Baar Kaleje Pa Chal Gaye
Aaye The Tum Se Milne Ko Par Dam Nikal Gaye
Yeh Zikr Abhi Tha Kay Sadaa Roney Ki Aayi
Yeh Zikr Abhi Tha Kay Sadaa Roney Ki Aayi
Darwaazey Sey Akbar Ney Yeh Aawaaz Sunaayi
Looti Gayee Hai Hai Phuphi Amma Ki Kamaayi
Maarey Gaye Doh Saath Ke Khelay Huvey Bhaai
Rotey Huvey Abbas Bhi Humrah Gaye Hain
Khud Laashey Utthaaney Kay Liye Shah Gaye Hain
Fizza Ki Sadaa Aayi Kay Aye Peetnay Walo
Sab Milkey Aray Meri Khoozaadi Ko Sambhaalo
Rothi Hai Kidhar Baanu-E Aalam Ko Bulaalo
Loota Gaya Ghar Khaak-E Aza Baaloun Pah Daalo
Maqtal Say Hussain Ibne Ali Laathay Hain Laashey
Saidaaniyoun Deodi Pay Chalo Aatey Hain Laashey
Page 37 Of 137
Laashoun Ko Shahey Deen Safay Matam Pa Jo Laaye
Sab Ahley Haram Peetthey Rotey Huvey Aaye
Zainab Ney Na Faryaad Ki Ney Ashk Bahaaye
Bhaittee Rahee Sar Zaanu-E Aqdas Pa Jhukaaye
Lab Khusk They Moouh Faq Tha Mijha Ashkoun Say Tarr Thi
Ney Apni Na Bhaai Ki Na Laashoun Ki Khabar Thi
Baanu Nay Rakhey Zaanu-E Zainab Pah Sar Unkay
Jo Bibiyan Thi Aagaye Mooh Ko Jigar Unkay
Zainab Nay Jo Ki Jhuk Kay Nuqhoun Par Nazar Unkay
Dikhlaayi Diye Channd Say Muh Khoon May Tarr They
Rukhsaar Bhi Majrooh They Abrooh Bhi Katay They
Shaaney Bhi Juda Chaand Sey Baazu Bhi Katey They
Muh Chaathiyoun Pa Rakh Kay Woh Naashaad Pukaari
Aaraam Mey Hothi Ho Ya Ghashi Pyaas Sey Taari
Hotha Hai Bayaan Shoukath-O Himmath Ka Tumhaari
Tasleem Karo Qibla-E Kaunain Ko Waari
Samjhi Mai Kay Baas Hai Yeh Beydaari Shab Ka
Pyaaro Yeh Tareeqaa Nahin Arbaab-E Adab Ka
Taarif Imaam-E Doh Saraa Kartay Hain Uttho
Abbaas-E Alamdaar Sanaa Kartay Hai Uttho
Hum Shakl-E Nabi Madhey Vegha Kartey Hain Uttho
Sab Log Na Uttnay Ka Gilaa Kartey Hain Uttho
Aaqa Say Musibath May Judaa Ho Nahin Jaatey
Sadqey Gayee Youn Jung Ke Din So Nahin Jaatey
Tum Toh Kabhi Yon Raat Ko Ghaafil Nahin Soye
Paani Nahin Kistarhaa Yeh Maa Chhroun Ko Dhoye
Ab Tum Na Milogay Jo Koyi Jaan Bhi Khoye
Qismath Mey Yeh Likhaa Tha Kay Maadar Tumhey Roye
Sar Dekey Mere Haq Sey Adaa Hokay Phirey Ho
Samjhi Mai Kay Maamu Pay Fidaa Hokay Phirey Ho
Pyaaro Tum Akelay Kabhi Nikley Nahin Ghar Sey
Rasthey Sey Na Waaqif Na Sobath-E Safar Sey
Raahein Woh-Kay Khaali Nahin Jo Khouf-O Qatar Sey
Jo Khaasa-E Baari Hai Woh Tharrathey Hai Darr Sey
Is Khouff Say Raathoun Ko Na Sothey Thay Mohammed
Jab Maut Ka Zikr Aatha Tha Rotey They Mohammed
Hai Hai Wohi Rastha Tumhey Darpesh Hai Pyaaro
Tum Mard Ho Jarraar Ho Himmath Ko Na Haaro
Ab Aankhon Sey Chhup Jaaogay Aye Arsh Kay Taaro
Bachho Mujhe Manzil Ka Pathaa Dekay Sidhaaro
Veeraaney May Ya Gulshan-E Hasthi May Rahogay
Tum Aaj Ki Shab Kounsi Basthi May Rahogay
Taareeki May Waari Tumhey Neend Aayegi Kyonkar
Shab Hogi Toh Bachchoun Ko Yeh Maa Paayegi Kyonkar
Maadar Dil-E Betaab Ko Samjhaayegi Kyonkar
Waanh Takh Merey Roney Ki Sadaa Jaayegi Kyon Kar
Nikloon Jo Tajasus May Toh Beyjaa Nahin Waari
Maa Hoon Mera Patthar Ka Kalejaa Nahin Waari
Maqtal May Khiyaam Aaj Kahaan Hogaa Batha Doh
Maa Sadqey Muqaam Aaj Kahaan Hogaa Batha Doh
Din Tumko Tamaam Aaj Kahaan Hogaa Batha Doh
Bisthar Sar-E Shaam Aaj Kahaan Hogaa Batha Doh
Hum Waar Zameen Shab Kay Bichhounay Ko Milegi
Kaisi Hai Jaghey Jo Tumhey Soney Ko Milegi
Page 38 Of 137
Tukkday Tha Kalejaa Yeh Bayaan Dard Ka Sunkar
Ek Hashr Tha Saidaaniyaan Jab Peetthi Thee Sar
Baano Ney Kaha Qibla-E Kounain Say Utt Kar
Marjaayegi Maa Laashoun Ko Lejaaiyeh Baahar
Farzandoun Ka Gham Khaaliq-E Aalam Na Dikhaaye
Allah Kisi Maa Ko Yeh Maatam Na Dikhaaye
Shahzade Ali Asghar A.S
Bano Ke Sheer Qhwaar Ko Haftum Se Pyaas Hae
Bano Ke Sheer Qhwaar Ko Haftum Se Pyaas Hae
Bachche Ki Nabz Dekh Ke Maa Be-Hawaas Hae
Naa Doodh Hai Naa Paani Ke Milne Ki Aas Hae
Phirthi Hai Aas Paas Ye Jeene Se Yaas Hae
Kahthi Thi Kya Karoon Main Duhaai Hussain Ki
Puthli Phiri Hai Aaj Mere Noor-E- Ain Ki
Faryaad Ya Ali Main Kidhar Jaaun Ya Ali
In Daaghoun Ko Kahan Se Jigar Laaun Ya Ali
Kis Tarha Inki Saans Ko Tehraaun Ya Ali
Paani Ka Qhahat Hai Main Kahan Paaun Ya Ali
Pichli Ko Aankh Khole The Ab Kholthe Nahi
Rote Nahi Humakthe Nahi Bolthe Nahi
Aaqir Kaha Ye Sab Ne, Bulaao Imam Ko
Laao Khuda Ke Waasthe Laao Imam Ko
Is Bezabaan Ka Haal Sunaao Imam Ko
Neeli Ragen Gale Ki Dikhaao Imam Ko
Akbar Ki Laash Le Gaye Hain Qatlgaah Me
Koi Pukar Lo Woh Abhi Hongey Raah Me
Mu Par Jawaan Bete Ka Taza Lahu Lagaae
Matam Saraa Me Ganje Shahidaan Se Shaah Aa Ye
Jhule Pa Haath Pakde Huwe Ahlebaith Laye
Bachche Ke Haath Paaun Hila Kar Inhey Dikhaaye
Rokar Kaha Ke Sans Faqath Aashkaar Hai
Ho Iska Kya Hisaab Ke Dam Ka Shumaar Hai
Baithe Sarhaane Jhule Ke Shabbir Sar Jhukaaye
Asghar Ke Kaan Se Lab-E Moujiz Numa Milaae
Chupke Se Kuch Kaha Ke Wo Sunte Hi Muskuraaye
Soo-E- Hussain Haath Bhi Be Saaqtha Badhaae
Boli Sakina Baba Ne Mushkil Kushaayi Ki
Amma Mubarak Aankh Khuli Mere Bhaai Ki
Hathoun Pa Isko Leke Chale Shaah-E Karbala
Aur Saath Saath Goudh Ko Khole Huwe Qhazaa
Likha Hae Dhoop Tezz Thi Aur Garm Thi Hawa
Asghar Pa Maa Ne Daal Di Ujli Si Ek Ridaa
Chaadar Na Thi Wo Chahra-E Pur Aab-O- Taab Par
Tukda Sufaid Abr Ka Tha Aaftaab Par
Pahonche Qareeb-E- Fouj To Tyoraa Ke Reh Gaye
Chaaha Kare Sawaal Pa Sharma Ke Reh Gaye
Ghairath Se Rang Udd Gaya Tharra Ke Rah Gaye
Chaadar Pisar Ke Chehre Se Sarka Ke Rah Gaye
Aankhen Jhuka Ke Bole Ye Ham Inko Laaye Hain
Asghar Tumhaare Paas Gharz Leke Aaye Hain
Phir Hont Bezubaan Ke Choome Jhuka Ke Sar
Rokar Kaha Jo Kahna Tha So Kah Chuka Pidar
Baaqi Rahi Na Baath Koi Aye Mere Pisar
Sookhi Zabaan Tum Bhi Dikhado Nikaal Kar
Pheri Zaban Laboun Pa Jo Is Noor-E- Ain Ne
Tharra Ke Aasmaan Ko Dekha Hussain Ne
Page 39 Of 137
Moula Falak Ko Dekh Rahe The Ke Naagahaan
Li Hurmula Ne Shaane Se Do Taank Ki Kamaan
Tarkash Se Jab Ke Kheench Liya Teer-E Jaan Fishaan
Chodda Kamaan Se Taak-Ke Halqoome Be Zubaan
Chut-The Hi Halq Bachche Ka Cheydaa Jo Teer Ne
Tharra Ke Aasman Ko Dekha Sagheer Ne
Kya Sin Tha Teer Khatey Hi Bachchaa Dahel Gaya
Sookhe Gale Se Khoon Ka Darya Ubal Gaya
Tadpa Jo Shay Ke Hathoun Pa To Manka Dhal Gaya
Topi Giri Zameen Pa Aur Dam Nikal Gaya
Nanhi Kalaiyoun Me Tash-Nujh Se Bal Padey
Hichki Jo Aai Mu Se Angotte Nikal Padey
Mu Aasmaan Se Sheh Ne Phiraya Ke Kya Huwa
Dekha Ke Paar Halq Se Teer-E Jafaa Huwa
Bachcha Tadap Raha Hai Lahu Me Bhara Huwa
Aur Nanha Haath Zaqme Gulu Par Dhara Huwa
Aankhen Phiraae Dete Hain Teywar Badalthe Hain
Aage To Doodh Ugley They Ab Khoon Ugalthey Hain
Khaincha Gale Se Bachche Key Aahistha Shay Ne Teer
Aur Hatoun Pe Bulandh Kiya Laasha-E Sagheer
Gardan Jhuka Ke Bole Ke Aye Khaliqh-E Qadeer
Maqbool Ho Hussain Ka Ye Fidya-E- Aqeer
Shashmaha Koi Kushta-E Teere Sitam Nahi
Ye Bezubaan Naaqa-O Saaleh Se Kam Nahi
Bano Pichle Pahar Asghar Ke Liye Roti Hai
Bano Pichle Pahar Asghar Ke Liye Roti Hai
Aik Wo Jaagthi Hai Qhalq-E- Qhuda Soti Hai
Sar Ko Bhi Peet- Thi Hai Jaan Ko Bhi Khoti Hai
Ye Ajab Gham Hae Ke Taskeen Nahi Hoti Hai
Peet- The Peet- The Behosh Jo Hojaati Hai
Ali Asghar Ali Asghar Ki Sadaa Aati Hai
Kabhi Koney Me Wo Mu Dhaamp Ke Chillati Hai
Aur Kabhi Sahen Me Ghabraake Nikal Aati Hai
Kookh Pakdey Huwe Har Aik Taraf Jaati Hai
Dhoondthi Hai Magar Asghar Ko Nahi Paati Hai
Tan Ko Larzish Hai Juda Aur Hai Mu Zard-E Juda
Dil Tadaptha Hai Juda Sine Me Hai Dard -E Juda
Kabhi Kahthi Hai Ke Ghar Me Mere Andhiyaara Hai
Ali Asghar Ki Judaai Ne Mujhe Maara Hai
Haae Main Ghar Me Hoon Jungle Me Mera Pyaara Hai
Meherbaani Jo Kare Mouth To Chuttkara Hai
Kab Talak Raatoun Ko Ham Nala-O Faryaad Karain
Ya Ilaahi Ali Asghar Mujhe Ab Yaad Karain
Goudh Pehlaake Kabhi Kahti Hai Dilbar Aaja
Rooh Be-Chain Hai Aaja Ali Asghar Aaja
Dil Tadaptha Hai Mera Goudh Ke Andar Aaja
Fatema Keliye Aaja Paye’ H Hyder Aaja
Boond Paani Keliye Haae Teri Jaan Gayi
Aa Main Sadqe Gayi Waari Gayi Qurbaan Gayi
Page 40 Of 137
Aake Seene Se Mere Seena Lagado Beta
Aag Bhadki Hai Kaleje Me Bujhaado Beta
Qushk Mu Apna Mere Mu Se Mila Do Beta
Ek Nazar Chand Si Tasveer Dikhado Beta
Jaao Phir Qhuld Me Maa Tumko Na Behlaaegi
Aik Dam Se Na Ziyadah Tumhen Tahraaegi
Loriyaan Hum Tumhen Aye Laal Diya Karte The
Aap Lete Huwe Jhule Me Hassa Karte The
Ghutniyoun Ghutniyoun Gar Aap Chala Karte The
Kurta Pakde Huwe Ham Saath Raha Karte The
Haae Maa Baap Se Qismath Ne Chudhaya Tumko
Soone Jangal Me Meri Jaan Sulaya Tumko
Yaad Har Cheez Teri Aathi Hai Aye Naik Qhisaal
Meri Nazroun Ke Tale Phirti Hae Wo Teri Chaal
Juti Juti Wo Bhawain Aur Jhandole Wo Baal
Choti Choti Wo Teri Ungliyaan Aye Mere Laal
Bu-Ye Gul Aathi Thi Beta Tere Pairaahan Me
Qhoob Khilti Thi Ali Band Teri Gardan Me
Qhalq Sab Soti Hai Raatoun Ko Gharoun Me Apne
Ham Agar Letey Hain Karwat To Qasam Lo Hamse
Neend Aati Mere Pahlu Me Agar Tum Hote
Tum To Aye Laqte Jigar Goudh Me Marqhad Ke Gaye
Yaad Is Paalne Waali Ki Bhulaai Tumne
Paayenthi Baap Ki Aye Laal Basaai Tumne
Haae Asghar Na Tera Daen Huwa Maa Se Adaa
Bojh Koi Meri Gardan Se Na Utraa Tera
Naa Teri Saalgiraah Ki, Na Tera Doodh Baddha
Naa Lahad Tujh Ko Mili Aur Na Kafan Tujh Ko Mila
Tum To Maare Gaye Chaati Pa Litaaun Kisko
Chote Chote Ye Shalooke Main Pahanaoo Kisko
Bain Karti Thi Yahi Peet Ke Bano D Ukhya
Aage Istarha Se Hai Raavi-E Purnam Ne Likha
Aai Ek Simt Se Waan Peetne Rone Ki Sadaa
Har Taraf Bano-E- Bekas Ne Ba Hasrat Dekha
Roke Kahne Lagi Maaloom Nahi Hota Hai
Koi Baitha Huwa Hamraah Mere Rota Hai
Koun Hae Meri Tarha Dukh Me Phasa Aye Daawar
Koun Bekas Hai Meri Tarha Se Rota Aakar
Ye Wo Kahti Thi Ke Ye Aai Sadaa Us Jaa Par
Aye Bahu Qhuld Se Aaya Hae Yahaan Paighambar
Tere Rone Ne Aziyyath Mujhe Pahonchai Hai
Qhabr Se Aah Teri Mujh Ko Utthaa Laai Hai
Ghash Me Bano Ne Jo Ye Fatema Zehra Se Suna
Haath Phaila Diye Aur Godme Asghar Ko Liya
Mu Se Mu Uske Mala Aur Laboun Ko Chooma
Qhoob Lipta Ke Kaleje Se Ye Roro Ke Kaha
Thi Judaai Ne Teri, Aag Lagaai Beta
Tum Ne Wo Aag Mere Dil Ki Bujhaai Beta
Haae Kis Bekas-O Mazloom Ka Ye Maatam Hae
Haae Kis Bekas-O Mazloom Ka Ye Maatam Hae
Fatema Aai Hai Rone Ko Ye Kis Ka Gham Hae
Nange Sar Saath Hain Hooren Bhi Ajab Aalam Hae
Rone Waloun Se Ye Irshaad Bhi To Paiham Hae
Rone Waalo Tumhen Rone Ka Silaa Dene Ko
Fatema Aai Hain Tum Sab Ko Dua Dene Ko
Page 41 Of 137
Aye Azadaro Tumhen Qhaleqe Akbar Ki Qasam
Kown Mazloom Hae Wo Tum Ko Payambar Ki Qasam
Naam Lo Uska Zubaan Se Tumhen Hyder Ki Qasam
Be Zabaan Hasliyon Wale Ali Asghar Ki Qasam
Roke Kahdo Ke Koi Bekas-O Maghmoom Nahi
Juz Hussain Ibn-E Ali Aur Koi Mazloom Nahi
Yahi Mazloom Madine Ka Hai Rahne Wala
Aik Saidaani Ne Faaqoun Me Jise Tha Paala
Nayyar-E Burj-E Imamat Ka Yahi Hae Haala
Aik Bekas Pa Sitam Hae Ye Falak Ne Dala
Subha Se Asr Talak Ghar Ko Lutaaya Is Ne
Margaye Sob To Gala Apna Kataya Is Ne
Shabe Haf-Tumse Huwa Bandh Isi Par Paani
Isi Mazloom Ke Qismath Me Ye Thi Hairaani
Zibha Jab Hota Tha Ran Mey Jo Ali Ka Jaani
Peet-Ti Phirthi Thi Maqtal Mey Koi Saidaani
Kon Saidaani Wahi Fatema Ki Jaayi Thi
Bhai Ke Pyar Me Sar Nange Nikal Aaye Thi
Haan Payambar Ke Madine Ka Musaafir Hai Yahi
Apne Nana Ki Lahad Ka Bhi Mujaawer Hai Yahi
Jisko Paani Na Mila Tha Dam-E- Aqir Hae Yahi
Jis Pa Sadqe Huwe Ayyub Wa Sarwar Hai Yahi
Bekas-O Be Watan-O Tashnadahan Kahte Hain
Isi Mazloom Ko Mohtaaj-E- Kafan Kahte Hain
Ya Hussain Aapki Mazloomi-O Ghurbath Ke Nisaar
Sar Ko Katwadiya Kis Shaan Se Himmat Ke Nisaar
Tah-E- Qhanjar Bhi Kiya Sajda Ibadath Ke Nisaar
Nange Sar Dekha Na Hamsheer Ko Ghurbath Ke Nisaar
Hoon Fida Aap Pa Mu Ashkoun Se Dhone Wale
Ya Hussain Aap Pa Sadkhe Hon Ye Rone Wale
Dekha Is Bekas-O- Mazloom Ki Shane Ghurbath
Chote Betey Ki Lahad Khodi Hae Uf Ye Himmath
Kaanpthe Hatoun Se Aaqa Ne Banaai Turbath
Kya Kahen Kis Se Kahen Kalb Ki Apni Haalath
Chand Ko Apne Tahe Qhaak Chupaya Hae Abhi
Hasliyon Wale Ko Turbath Me Sulaya Hae Abhi
Kis Qadar Bekas-O Mazloom Tha Ye Shah-E- Ghareeb
Naa Kafan Chote Se Sayyad Ko Huwa Us Ko Naseeb
Sar Ko Katwaae Huwe Sote Hain Sab Uske Habeeb
Pyaas Se Teen Shab-O Roz Se Haalat Hae Ajeeb
Ya Ali Kahke Sambhala Hae Dil-E- Muztar Ko
Qhoon Bhare Kurte Me Dafnaya Ali Asghar Ko
Roke Dete Hain Sada-E Mah-E Anwar Bolo
Aye Mere Chote Shaheed Aye Mere Dilbar Bolo
Baap Ko Chowdh Ke Tanha Gaye Kynkar Bolo
Dard Kaisa Hae Gale Me Ali Asghar Bolo
Goud Me Baith Ke Sab Haal Sunaana Beta
Teer Ka Zaqm Bhi Daadi Ko Dikhana Beta
Lo Momino Qulaasa Suno Is Bayaan Ka
Lo Momino Qulaasa Suno Is Bayaan Ka
Bano Ko Pursa Do Che Mahine Ki Jaan Ka
Par Haal Kis Zabaan Se Kahoon Bezubaan Ka
Kyun Gir Pada Na Phat Ke Tabaq Aasmaan Ka
Jhule Me Di Panaah Na Maa Kay Kanaar Me
Kaati Adoo Ne Gardan-E- Asghar Mazaar Me
Page 42 Of 137
Lipte Huwe Azizoun Ke Lashoun Se They Haram
Jo Aah Sar Shahidoun Ke Hone Lage Qalam
Jinn Jinn Ke Qhud Umar Ne Kiye Nezoun Par Alam
Bola Mulazimoun Se Abhi Aik Sar Hai Kam
Is Dam Mujhe Qayall-E- Itaab-E Yazeed Hai
Arzi Main Likh Chuka Hoon Bahattar Shaheed Hai
Peetenge Is Bayan Se Sab Khoda-Kho Jawaan
Ye Taaza Waaqiya Hai Ghazab Ki Hai Daastaan
Kyun Qushk Hogayi Na Sitamgaar Ki Zabaan
Bola Umar Talaash Karo Qabr Ka Nashaan
Bachche Ki Qabr Khodh Ke Sar Ko Qalam Karo
Akbar Ke Sar Ke Paas Sinaa Par Alam Karo
Baaz Laraz Laraz Ke Pukare Ke Al- Hazarr
Ham To Na Qabr Khodenge Zaalim Quda Se Dar R
Is Bezabaan Shaheed Ke Sin Par Toh Raham Kar
Sota Hai Saari Raat Ka Jaaga Lahu Me Tarr
Dekhay Na Chain Jhule Kay Ne Maa Ki Godh Ke
Bachche Ke Sar Na Kaatenge Ham Qabr Khodh Ke
Kya Uski Qab Se Tujhe Daawaah Hai Aye Laeen
Hazrath Ne Moul Li Thi Ye Maqtal Ki Sab Zameen
Be Dafn Hain Mahe Rufaqaa Baad Shaah-E- Deen
Be Ghar Hain Ahlebaith-E- Shahinshah-E- Mursaleen
Murdounko Gour Zindoun Ki Qaatir Makaan Nahin
Ek Baccha Qabr Me Hai Use Bhi Amaan Nahin
Rote The Haae Laash-E Shahidaan Pa Sab Haram
Kya Dekhte Hain Aata Hai Ek Baaniye Sitam
Nooke Sinaan Chubota Hai Mitti Me Dam Badam
Fizza Pukaari Qair Kare Rabbe Zul Karam
Ye Qabr Dhoondtha Hai Kisi Naazneen Ki
Neze Se Dekhtha Hai Ye Narmi Zameen Ki
Bano Ne Pucha Deeda-E Dil Se Bahakey Khoon
Joyaa Hai Kiski Qabr Ka Ye Zalim-E- Zaboon
Fizza Pukari Qaak Mere Mu Me Kya Kahoon
Main Kis Zabaan Se Saahibe Turbat Ka Naam Loon
Khodega Maqbaraa Che Mahine Ki Jaan Ka
Maangaa Hai Ibn-E-Saad Ne Sar Be Zabaan Ka
Paikaan Jis Gale Se Abhi Ho Chuka Hai Paar
Hae Hae Usi Gale Pa Phiregi Churi Ki Dhaar
Aramgah Murdoun Ka Hai Gosha-E Mazaar
Bibi Ke Laqtey Dil Ko Wahan Bhi Nahin Qaraar
Ne Faateha Na Phool Kisi Noor-E- Ain Ke
Hote Hain Zibha Qabr Me Bachche Hussain Ke
Ran Me Abru Kamaan Ki Aamad Hae
Ran Me Abru Kamaan Ki Aamad Hae
Asghar-E- Bezabaan Ki Aamad Hae
Bhuke Ki Natawaan Ki Aamad Hae
Pyaase Ki Neemjaan Ki Aamad Hae
Yahi Qaime Me Shour Hota Hae
Wadaa Unka Bhi Pura Hota Hae
Pyaas Ne Kardiya Hai Ye Aalam
Ghash Pa Ghash Aate Hain Unhen Paiham
Hilte Hain Haath Paaun Bhi Kam Kam
Seene Me Ab Nahi Samatha Dam
Gham Se Matam Zadoun Ko Sakta Hae
Nanha Syed Pada Sisaktha Hae
Page 43 Of 137
Ro Nahi Sakte Mu Banaathe Hain
Aankhen Ulti Huwi Phiraathe Hain
Qushk Mu, Waa Zabaan Dikhate Hain
Ghul Se Rone Ke Sahme Jaathe Hain
Mu Khula Hae Dhadakthi Chathi Hai
Saans Bhi Ab Atakthi Aati Hai
Seena Garmi Ke Maare Jalta Hae
Nanha Sa Dil Pada Uchalta Hae
Dam Ba Dam Rang Ko Badalta Hae
Bas Nahi Kuch Kisi Ka Chalta Hae
Naam Paani Ka Sab Jo Lete Hain
Mu Ko Ghabra Ke Khol Dete Hain
Roke Kahti Hae Bano-E Dilgeer
Main Kidhar Jaaun Kya Karoon Tadbeer
Haae Bacche Mere Teri Taqdeer
Naa Tho Paani Mila Tujhe Naa Sheer
Haal Jab Dekhthi Hai Bad, Zainab
Kahthi Hai Ya Ali Madad, Zainab
Haae Kya Waqt Hae Pada Ham Par
Karne Paa-E- Na Maatam-E Akbar
Huwi Darpaesh Rahlathe Asghar
Ab Main Nikloongi Odh Kar Chaadar
Lashkar-E- Sham Paas Jaaungi
Haal Besheer Ka Sunaaungi
Kahungi Jaake Main Hoon Saidaani
Dekho Marta Hai Ye Mera Jaani
Tishnagi Ki Hai Ispa Tughyaani
Waah Kya Qhoob Ki Hai Mehmani
Karo Sayraab Laal Ko Mere
Paani Do Nounehaal Ko Mere
Qaime Me Aae Sarwar-E Aalam
Jhule Se Bezubaan Ko Laye Haram
Shay Ne Dekha Ke Hai Laboun Par Dam
Roke Irshad Ye Kiya Paiham
Mere Jaani Mere Jigar Aao
Chalo Maidan Ki Saer Kar Aao
Kahke Ye Roe Sarwar-E- Zeejaah
Liya Hathoun Pa Apne Ghirath-E- Maah
Kiya Pinhaan Abaa Me Qaatirqaah
Aur Kaha Lallaah – Illallah
Leke Pyase Ko Ashbaar Chale
Pusht Qam Karke Be Qaraar Chale
Roke Kahne Lage Imam-E- Ghayur
Ghafilo Kuch Nahi Hai Tum Ko Shaoor
Tum Samajhna Nahi Qhuda Ko Door
Mere Bacche Ka Kuch Nahi Hai Qusoor
Be Gunaaj Ki Na Jaan Lo Yaaro
Mere Kahne Ko Maanio Yaaro
Zalimo Waastha Payambar Ka
Dam Nikaltha Hai Mere Dilbar Ka
Tar Karo Halq Mere Asghar Ka
Jaam Doonga Main Tum Ko Kausar Ka
Hurmala Bola Aab Milta Hai
Tahro Tahro Jawab Milta Hai
Bole Karta Hai Kya Ghazab Zalim
Maartha Kyun Hai Besabab Zalim
Paani Maangenge Ham Na Ab Zalim
Sunta Tha Shah Ka Kahna Kab Zalim
Teer Abroo Kamaan Ko Maara
Che Mahine Ki Jaan Ko Maara
Page 44 Of 137
Rawana Nahr- E- Laban Ko Jo Sheerqhwar Huwa
Rawana Nahr-E- Laban Ko Jo Sheerqhwar Huwa
Zabaan Dekhaney Pa Gardan Se Teer Paar Huwa
Tadap Ke Hathoun Pa Hazrath Ke Hamkanaar Huwa
Qizaan Huwa Jo Wo Gul Tou Gale Ka Haar Huwa
Idhar To Shaah Ko Ye Sadma-E- Jigar Pahoncha
Udhar Madine Se Sughra Ka Naamabar Pahoncha
Lahu Me Gharq Khade The Kamar Jhuka-E- Huwe
Pisar Ki Nanhi Si Mayyath Gale Lagaa-E- Huwe
Lahu Bhara Huwa Daaman Use Udhaae Huwe
Kafan Ki Fikr Me Qhaime Ko Mu Phira-E- Huwe
Ye Haal Dekh Ke Qaasidh Ki Aas Toot Gayi
Huwa Ye Raasha Ke Fouran Mehaar Choot Gayi
Utar Ke Naaqhe Se Aadaab Wo Bajaa Laaya
Magar Hussain The Behosh Kuch Na Farma Aye
Wo Nouha Padhtha Huwa Aur Muttasil Aaya
Nigaah-E- Yaas Se Mu Dekh Kar Ye Chillaya
Qharaar Do Mujhe Main Beqaraar Hota Hoon
Hussain Jaan Ke Tumpar Nisaar Hota Hoon
Kaho Baqeeya-E Aulad-E- Murtaza Ho Tum
Ameer-E- Lashkar-E- Allah-O- Mustafa Ho Tum
Gareeb-E Koofa-O- Mazloom-E- Karbala Ho Tum
Bataa-O- Qasim-E- Nashaad Ke Chacha Ho Tum
Jawaab Do Pidar-E- Namuraad-E- Akbar Ho
Janab-E Hazrathe Abbas Ke Baraadar Ho
Bahan Hai Aapki Zainab Sakina Duqtar Hae
Har Awwal Aapkay Lashkar Ka Hurr-E- Safdar Hae
Watan Me Bhi Koi Beti Aleel-O Shashdar Hae
Huzoor Ka Koi Nanha Sa Laal Asghar Hae
Zohair Aur Habeeb Aap Ke Musaaheb Hae
Janab Aun-O Mohammed Kay Maamu Saheb Hae
Hussain Bharke Dam-E Sard Bole Ay Ghamkhar
Ameer Koun Hae Main Toh Hoon Bekas-O- Nachaar
Kahan Hain Akbar-O- Qasim Kahaan Alambardaar
Qhuda Ke Bande The Ye Sab Huwee Qhuda Pa Nisaar
Sipaahe Zulm Ne Tanha Samajh Ke Ghera Hai
Hazaroun Tegh Hai Aur Aik Halq Mera Hai
Hataayi Chehre Se Asghar Ke Qhoon Bhari Chadar
Paseena Mauth Ka Maathe Se Pouncha Sar Ta Sar
Pukare Laashey(Murde) Ki Aankhoun Pa Hontoun Ko Rakh Kar
Likhi Hae Fatima Ne Deedaa Bosi-E Asghar
Gawah Rahiyo Kay Faaqe Se Jhoomtha Hai Hussain
Aur Unke Bhai Ki Aankhon Ko Choomtha Hai Hussain
Benaaloon Nanhi Si Qabr Inki Aye Khujistha Siyar
Toh Le Chaloon Pisar-E- Noujawan Ke Laashe Par
To Padhiyo Lasha-E- Akbar Pa Naama-E- Khaahar
Ye Kahke Ghodey Se Utrey Imam Jinn-O- Bashar
Zameen Qabr Ki Khatir Pasandh Karney Lage
Mazaar Khod Ke Naale Baland Karney Lage
Page 45 Of 137
Lahu Se Ghusl To Asghar Ko Dey Chuki Thi Qazaa
Malee Basoorath-E- Kaafoor Shay Ne Qhaake Shifa
Utaara Qabr Me Asghar Ka Khoon Bhara Laasha
Lita-Ke Qhaak Pa Qibla Ki Simth Mu Phe-Ra
Phir Apne Chand Ko Jab Qhaak Me Chipaney Lage
To Ya Ali Kaha Aur Haath Thar Tharraaney Lage
Ye Haal Dekh Ke Qaasid Ne Ki Madadgaari
Lahad Me Ungliyoun Se Qhaak Daali Ekbaari
Pukari Qaime Ke Dar Se Ye Bano Dukhiyaari
Ye Kis Ki Qabr Ki Hothi Hai Ran Me Tayyari
Hussain Bole Ke Sadme Naye Guzarthe Hain
Tumhare Hansliyaan Waale Ko Dafn Karte Hain
Giri Zameen Pa Kaleja Pakad Ke Wo Nachaar
Pukari Meri Kamaal Hai Aye Zameen Hushiyaar
Na Murda Jaaniyo Hae Meri Jaan Ye Dildaar
Zameen Me Tere Sadqe Tere Makeen Ke Nisaar
Ye Zair-E- Qhwaab Meri Mannatoun Ka Baagh Mila
Mujhe Ye Phool Mila Aur Dil Ko Daagh Mila
Balaen Door Se Lele Ke Phir Kiya Ye Bayaan
Tumhari Nanhi Lahad Ki Mai Waari Asghar Jaan
Andhera Ghar Hai Na Ghabraiyo Ye Maa Qurbaan
Akele Soney Ki Mushkil Qhuda Kare Aasaan
Tumhare Chahne Wale Gale Lagaaenge
Mujhe Yaqeen Hai Janaab-E Ameer Aaenge
Shahzade Ali Akbar A.S
Dashtey Balaa Mey Gumh Ali Akbar Ki Laash Hai
Dashtey Balaa Mey Gumh Ali Akbar Ki Laash Hai
Farzand-E Faatima Ko Pisar Ki Talaash Hai
Daagh-E Jigar Ko Naakhoon-E Gham Ki Kharaash Hai
Sangh-E Alam Sey Sheesha-E Dil Paash Paash Hai
Banu Ko Ghash Hai Ahle-Haram Dard Mandh Hain
Hai Hai Pisar Ki Ghar Mey Sadaayein Buland Hain
Chillaathay Hain Kay Baap Kay Pyaarey Khidhar Gaye
Aey Noor-E Chashm Aankhon Kay Taarey Kidhar Gaye
Aey Meri Zindagi Kay Sahaarey Kidhar Gaye
Pahooncha Kay Mujhko Gour Kinarey Kidhar Gaye
Andher Hai Agar Na Tumhein Paayega Pidar
Aawaaz Dogay Tum Toh Chalaa Aayega Pidar
Rothey Ho Kis Liye Ali Akbar Jawaab Do
Sadqey Ho Baap Aey Meray Dilbar Jawaab Do
Aey Meray Hum Shabihey Payambar Jawaab Do
Tum Sey Bichadd Kay Zeesth Ho Kyunkar Jawaab Do
Jo Raah Hai Tumhaari Wohi Apni Raah Hai
Laazim Hai Rahem Baap Ki Haalat Tabaah Hai
Kis Jaah Pey Tum Paddey Ho Bathaao Pidar Nisaar
Aawaaz Hum Ko Apni Sunaao Pidar Nisaar
Hum Gir Paddey Hain Aa Kay Utthaao Pidar Nisaar
Chaati Sey Phir Pidar Ko Lagaao Pidar Nisaar
Ruksath Hai Apney Ghar Ko Zaraa Dekh Bhaal Lo
Lagzish Hai Haath Paoon Mey Akbar Sambhaal Lo
Kis Sey My Puchoon Kaun Tumhaara Pataa Bathaaye
Yeh Beykas-O Ghareeb Musaafir Kidhar Ko Jaaye
Qismath Mey Meri Tthokarein Likkhi Hai Haaye Haaye
Is Zindagi Sey Kaash Khuda Humko Bhi Utthaaye
Andher Hai Kay Godh Kay Paaloun Sey Chutt Gaye
Manzil Pa Aakay Qafilay Waaloun Sey Chutt Gaye
Page 46 Of 137
Ab Haath Bhi Pakadd Kay Utthaatha Nahin Koyi
Roney Pa Meray Rahem Bhi Khaata Nahin Koyi
Yousuf Ki Meri Shakl Dikhaata Nahin Koyi
Beta Tumhaari Laash Bathaatha Nahin Koyi
Haalat Hamaari Kaahey Ko Dekhi Hai Aap Ney
Tum Ko Khayaal Hogaa Khabar Li Na Baap Ney
Aey Fouj-E Zulm Baano Kay Dilbar Ko Kya Kiya
Beykas Ko Tashnakaam Ko Beypar Ko Kya Kiya
Aey Zaalimo Shabihey Payambar Ko Kya Kiya
Miltaa Nahin Meray Ali Akbar Ko Kya Kiya
Lillah Do Pataah Kay Bhattaktey Hain Raah Mey
Shaayad Giraa Diya Merey Yousuf Ko Chaah Mey
Chillati Hai Kay Goudh Ka Paala Kahaan Gaya
Aankhon Ka Noor Ghar Ka Ujaalaa Kahaan Gaya
Chashm-O Chiraagh-E Syed-E Waalaa Kahaan Gaya
Meraa Woh Lambey Geysuoun Waalaa Kaha An Gaya
Do Betay Kho Kay Paayaa Tha Is Naunehaal Ko
Barchi Se Kisney Qatl Kiya Meray Laal Ko
Kisi Ka Qaana- E- Ummed Be Charaagh Na Ho
Kisi Ka Qaana-E- Ummed Be Charaagh Na Ho
Jawaan Bete Ka Dilko Pidar Ke Daagh Na Ho
Hazaar Baagh Lute Par Qizaan Ye Baagh Na Ho
Pisar Ke Gham Sey Parishan Dil-O- Dimaagh Na Ho
Falak Balaa Ka Shah-E- Karbala Ka Toota Hai
Musaaferi Me Barabar Ka Laal Choota Hai
Wo Laal Jisko Na Pahonche Koi Durre Shahwaar
Wahid-E- Asr Shabaahat Me Ahmed-E- Muqtaar
Hamesha Misl-E-Ali Rozedaar Shab Bedaar
Shujaa-O- Muttaqi-O-Qush Mizaaj-O- Ghirat Daar
Ye Sab Kamaal Mile Zer-E Qhaak Ek Din Me
Tamaam Hogaye Atthara Saal Ke Sin Me
Batool Kahthi Thi Faryaad Ya Ali Faryaad
Meri Bahu Huwi Barbaad Ya Aii Faryaad
Bajaa-E- Raham Hae Bedaad Ya Ali Faryaad
Khuda Ke Waasthe Do Daad Ya Ali Faryaad
Duhaai Yousuf-E- Aal-E- Abaa Ko Maara Hae
Jawaan Ko Maara Hae Naakith Quda Ko Maara Hae
Likha Hae Wa Aabataa Ki Joo ’ N Hi Sadaa Aayi
Hussain Imam Ke Chehre Pa Murdani Chaa Yi
Wo Aah Ki Ke Zari-E- Rasool Tharraayi
Rawaana Hogayi Ashkoun Ke Saath Beenaayi
Sawar-E- Dosh-E- Payambar Ki Aas Toot Gayi
Inaane Sabr Jo Thaami Lagaam Choot Gayi
Pukaarte Hain Pisar Ko Pisar Nahi Aata
Jigar Me Dard Hai Laqte Jigar Nahi Aata
Koi Rafeeq-E- Shahey Bahrobar Nahi Aata
Tumhaare Bhaai Ko Rasta Nazar Nahi Aata
Pisar Kay Gham Me Qhuzaada Mera Halaak Huwa
Basa Basaaya Ghar Unsat Baras Me Qhaak Huwa
Yahaan To Fizza Ye Karthi Thi Dard Ki Taqreer
Asaa-E Aah Uttha Kar Udhar Chale Shabbir
Andhera Saamne Ankhoun Ke Aur Dil Tagheer
Har Aik Baar Ye Naara Ke Ya Janab-E- Ameer
Kabhi Uthe Kabhi Sultan-E- Mashraqain Gire
Likha Hae Ye Ke Bahattar Jagah Hussain Gire
Page 47 Of 137
Qadam Qadam Pa Taharte The Shaah-E- Tishna Guloo
Hawa Me Soongthe The Apne Laal Ki Qushboo
Zameen Pa Baith Ke Gaahen Bahathe The Aansoo
Talaash Karthe The Haathoun Se Laash Ko Har Soo
Jo Koi Poochtha Tha Kya Huzoor Dhoodthe Hain
Tho Roke Kahthe The Aankhoun Ka Noor Dhoondthe Hain
Qareeb-E- Fouj Jo Sultaan-E- Bahrobar Aae
Pukaare Hans Ke Adu Khair Hai Kidhar Aae
Ye Koun Margayaa Jo Aap Nange Sar Aae
Piyaada Dhoop Me Thaame Huwe Jigar Aae
Ye Koun Chand Huwa Aaj Door Aankhoun Se
Ke Chain Dil Se Gaya Aur Noor Aankhoun Se
Kahaa Hussain Ne Rokar Tumhen Anahi Maloom
Hamare Ghar Me Hai Mahshar Tumhen Nahin Maloom
Mitee Shabeehe Payambar Tumhen Nahin Maloom
Chuta Hussain Se Akbar Tumhen Nahin Maloom
Rulaane Ko Ye Imam-E- Umam Se Poochte Ho
Churi Phirake Kaleje Pa Hamse Poochte Ho
Aye Aankhain Waalo Mera Noor-E- Ain Kis Jaa Hai
Jawaano Bolo Mere Dilka Chain Kis Jaa Hai
Jawaan-E Faatehey Badr-O Hunain Kis Jaa Hai
Zaeefo Ainka-E Chashme Hussain Kis Jaa Hai
Kaho Rasool Ki Tasveer Ko Kahaan Khoyaa
Asaa-E- Peeri-E Shabbir Ko Kahaan Khoyaa
Pukaara Shimr Ke Koi Nahin Bataane Ka
Badaa Sawaab Hae Saadath Ke Rulaane Ka
Na Zinda Chodenge Bachcha Bhi Is Gharane Ka
Iraada Hai Ali Asghar Kay Qhoon Bahaane Ka
Jo Teer Paar Ho Nanhe Gale Se Eid Karein
Tumhaari Godh Me Shishmahe Ko Shaheed Karein
Zaeef Baap Ki Peeri Pa Raham Farmaao
Qadam Qadam Pa Na Jangal Ki Qaak Chandwaao
Jo Mujh Pa Hansthe Hain Tum Unko Aankh Dikhlaao
Ali Kaa Naam Lo Aur Doud Kar Chale Aao
Bulaalo Dada Ko Nazdeek Hai Najaf Beta
Akele Paaun Ragadte Ho Kis Taraf Beta
Maalik Se Bhare Ghar Ke Ujad Jaane Ko Poocho
Maalik Se Bhare Ghar Ke Ujad Jaane Ko Poocho
Ghar Waaloun Se Ye Tafreqa Padh Jaane Ko Poocho
Maa Baap Se Qismath Ke Bigad Jaane Ko Poocho
Shabbir Se Akbar Ke Bichad Jaane Ko Poocho
Allah Na Dikhlaae Alam Noor-E- Nazar Ka
Bahjaatha Hae Aankhoun Se Lahoo Khalb -O-Jigar Ka
Jis Waqt Ke Akbar Ko Laga Zaqm Jigar Ka
Seene Me Ruka Aake Dam Us Raashk -E- Qamar Ka
Girthe Huwe Ghode Se Qhayaal Aaya Pidar Ka
Chillae Ke Ab Kooch Hae Dunya Se Pisar Ka
Bekas Ki Musafir Ki Qhabar Lijiye Baba
Apne Ali Akbar Ki Madad Kijiye Baba
Bete Ki Sadaa Sunke Huwa Sadma-E- Jaankah
Ek Hook Kaleje Me Uthi Baith Gaye Shaah
Maloom Huwa Jaan Chali Aah Ke Hamraah
Dil Thaam Ke Hathoun Se Kaha Ya Asadullah
Rang Udgaya Tha Gesuoun Pa Gard Padi Thi
Tewra Ke Jo Sambhale To Basarat Me Kami Thi
Page 48 Of 137
Chilla-E- Batado Ali Akbar Kidhar Aaen
Dhoonden Tumhen Ab Bahar Me Ya Su-E- Bar Aaen
Betaab Hai Dil Qhalb Me Lashkar Kidhar Aaen
Tum Uth Nahin Sakte To Hameen Laash Pa Aaen
Maa Baap Ke Jeene Ka Mazaa Legaye Beta
Ohdaa Jo Tumhara Tha Hamen De Gaye Beta
Beta Hamen Phir Ya Abataa Kahke Pukaaro
Mazloom Ghareebul Ghuraba Kahke Pukaaro
Nashaad-O- Giraftaar-E- Balaa Kahke Pukaaro
Lab Tishna-O- Mazbooh-E- Qafaa Kahke Pukaaro
Jo Waqt Moiyaan Hae Wo Hargiz Na Talega
Qhanjar Meri Gardan Pa Isi Tarja Chalega
Le Aai Jo Betaabiye Dil Laashe Pisar Par
Jhukte Hi Nazar Pahle Padi Zaqme Jigar Par
Ek Teer Laga Qhalb-E- Shah-E- Jinn-O- Bashar Par
Seene Pa Kabhi Haath Ko Maara Kabhi Sar Par
Gopar Ke Dam Us Sher Ko Bharthe Huwe Dekha
Baba Ne Jawan Bete Ko Marte Huwe Dekha
Aye Dard Jigar Tham Ke Shah Bahrobar Aalen
Aye Jaan Na Ghabra Shah-E Jinn-O- Bashar Aalen
Aye Rooh Tawaqquf Shah-E- Wala Idhar Aalen
Aye Mout Tahar Jaa Pidar Aalen Pidar Aalen
Armaan-E- Dile-E- Zaar Pisar Hosh Me Nikle
Hasrath Hai Ke Dam Baap Ki Aaghosh Me Nikle
Chilla-E- Shah-E- Deen Ali Akbar Pidar Aaya
Uttho Mere Pyaare Mere Dilbar Pidar Aaya
Tum Dhoondthe The Aye Mah-E- Anwar Pidar Aaya
Nashaad Pidar Bekas-O- Be Par Pidar Aaya
Kuch Dil Ki Kaho Baat Karo Hosh Me Aao
Sadqe Pidar Aao Meri Aaghosh Me Aao
Mu Khole Ho Kyun Teer Ko Gardan Se Nikaaloon
Gar Dard Na Ho Haathoun Se Baazu Ko Sambhaloon
Girta Hai Pahaad Usko Mae Kis Tarha Se Taaloon
Marte Use Dekhoon Jise Aaghoush Me Paloon
Beh Beh Ke Lahu Me Jigar Aata Hai Tumhara
Seene Se Kaleja Nazar Aata Hae Tumhara
Kuch Mu Se To Bolo Ali Akbar, Ali Akbar
Aankhoun Ko To Kholo Ali Akbar, Ali Akbar
Ruqsath Bhi To Holo Ali Akbar, Ali Akbar
Lo Baap Ko Rolo Ali Akbar, Ali Akbar
Dulha Bhi Is Aaraam Se Sote Nahin Beta
Ham Rote Hain Aur Tum Hamen Rote Nahin Beta
Ghash Me Jo Suni Baap Ki Aawaaz Pisar Ne
Bas Haath Ko Phaila Diya Us Rashk-E Qamar Ne
Lipta Liya Chaathise Shah-E- Jinn-O- Bashar Ne
Mu Khol Ke Dikhlaai Zabaan Tishna Jagar Ne
Farmaya Ke Qatraa Mere Jaani Nahi Milta
Majboor Hoon Beta Mujhe Paani Nahi Milta
Ye Sunte Hi Bas Aankhoun Se Aansu Huwe Jaari
Mu Phair Ke Dekha Su-E- Sahra Kaee Baari
Ki Arz Huzoor Aai Hai Zehra Ki Sawari
Phir Dard Utha Seene Me Aur Ghash Huwa Taari
Khole Huwe Aankhoun Ko Musaafir Huwe Akbar
Hichki Ka Bas Aana Tha Ke Aaqir Huwe Akbar
Page 49 Of 137
Pidar Ki Mouth Hai Marna Jawaan Bete Ka
Pidar Ki Mouth Hai Marna Jawaan Bete Ka
Safar Jahaan Se Karna Jawaan Bete Ka
Ghazab Hai Qhoon Me Bharna Jawaan Bete Ka
Sitam Hai Ji-Se Guzarna Jawaan Bete Ka
Shabaab Tha Ke Shah-E- Mashraqain Se Choote
Mohibbo Peeto Ke Akbar Hussain Se Choote
Quda Pidar Ko Na Dikhlaae Marge Raahat-E Jaan
Kaleja Zaqmi Ho Jab Dil Ko Phir Qaraar Kahan
Udhar To Sina-E Akbar Se Guzri Nok-E Sinaan
Lahu Idhar Huwa Chasm-E Imam-E- Deen Se Rawan
Tadap Ke Janib-E Gardoon Nigaah Ki Shah Ne
Zaameen Hilgayi Ek Aisi Aah Ki Shah Ne
Pukarthe Huwe Dowdhe Mere Shaheed Pisar
Mere Jawan Mere Mahroo Mere Saeed Pisar
Mere Haseen Mere Yousuf Mere Rasheed Pisar
Qareeb Ho Kahin Maidan Se Ya Baeed Pisar
Pidar Pa Aaj Nai Waaredaat Hai Beta
Qabar Nahi Mujhe Din Hai Ke Raat Hai Beta
Kidhar Gaye Mere Gulpah-Rahan Ali Akbar
Mere Qaleeq Mere Kamsuqan Ali Akbar
Jawana Marg Gharibul Watan Ali Akbar
Ujaad Kar Gaye Mera Chaman Ali Akbar
Bula Ke Ghar Se Yahan Ashqiye Ne Loot Liya
Duhaai Hai Ke Mujhe Karbala Ne Loot Liya
Pukaarte The Ke Aye Sher Phir Pukaar Mujhe
Nahi Batane Ke Laasha Ye Naabakaar Mujhe
Tere Firaaq Me Hai Zeest Naa Gawaar Mujhe
Sadaa Sunaade Main Sadqe Phir Aik Baar Mujhe
Gale Lagaalo Ke Seena Hamara Jalta Hai
Kaleja Mu Se Koi Dam Me Ab Nikalta Hai
Pukari Dewdhi Se Bano Pisar Mila Ke Nahi
Bataao Marham-E Zaqme Jigar Mila Ke Nahi
Sitam Ke Abr Me Mera Qamar Mila Ke Nahi
Ali Ke Laal Wo Aali Gohar Mila Ke Nahi
Shitaab Laao Mere Mannatoun Ke Paale Ko
Tumhi Se Loongi Main Apne Muraad Waale Ko
Ye Zikr Tha Ke Sada Aai Door Se Nagaah
Janaab –E- Qibla –O- Kaaba Ab Aaiye Lillah
Huzoor Haal Se Bete Ke Kya Nahi Aagaah
Zabaan Ainth Gayi Hai Ghulaam Ki Ya Shah
Ukhad Raha Hae Dam Ab Mouth Jaan Leti Hai
Pukaarne Ki Bhi Taaqat Jawaab Deti Hai
Sadaa Ye Sunte Hi Sultaan-E- Bahrobar Dowdhe
Ye Darde Dil Tha Ke Thame Huwe Jigar Dowdhe
Kabhi To Fouj Pa Maaninde Sher-E- Nar Dowdhe
Kabhi Idhar Gaye Rote Kabhi Udhar Dowdhe
Luti Huwi Wo Kamaai Basad Talaash Mili
Zameen Pa Qhoon Me Ghaltaan Pisar Ki Laash Mili
Ajeeb Haalathe Farzand-E- Noujawaan Dekhi
Atash Se Hontoun Pa Nikli Huwi Zabaan Dekhi
Qamar Se Chehre Pa Zardi Laboun Pa Jaan Dekhi
Kaleja Phat Gaya Seene Me Jab Sinaan Dekhi
Pidar Ke Saamne Bete Ka Dam Ukhadta Tha
Hussain Dekhte The Aur Ghar Ujadtha Tha
Page 50 Of 137
Qareeb Lash-E- Pisar Baith Ke Ye Farmaae
Zameen-E- Garm Se Beta Utho Ke Ham Aae
Sadaa Ye Sunte Hi Akbar Ne Haath Phailaae
Lipat Ke Laash Se Shah Lab Pa Ye Suqan Laae
Gale Lagalo Mohammed A Main Nawasa Hoon
Zabaam Dikhake Kaha Ya Hussain Pyaasa Hoon
Ye Kah Ke Shaah Se Khainchi Ghareeb Ne Ek Aah
Jugar Me Hone Laga Dard Aah Ke Hamraah
Ajeeb Yaas Ki Nazoun Se Dekh Kar Ruq-E- Shaah
Kaha Ke Ashhadu An Laa Ilaaha Illallah
Bas Aur Kah Na Sake Kuch Ye Haale Ghair Huwa
Sue Behisht Gaye Qatema Baqair Huwa
Ran Se Jab Khake Sinaan Akbar -E- Zishaan Aaye
Ran Se Jab Khake Sinaan Akbar -E- Zishaan Aaye
Maa Ki Qidmath Me Koi Aan Ke Mehmaan Aae
Ghar Me Laashe Ko Liye Shah -E- Shahidaan Aae
Nouha Gar Qhaak Basar Chaak Garebaan Aae
Di Sada Qatl Huwe Yousuf -E- Saani Bano
Mil Gayi Qhaak Me Akbar Jawani Bano
Dekhle Aaqri Deedar Pisar Marta Hae
Saamne Ankhoun Ke Ye Noor-E- Nazar Marta Hae
Ab Koi Dam Me Mera Rashke Qamar Marta Hae
Mu Se Baaher Hae Zabaan Tishna Jigar Marta Hae
Dam Hae Seena Me Ruka Zakhmoun Se Khoon Jaari Hae
Shahar Bano Tera Ghar Lutne Ki Tayyari Hae
Pahonchi Qaime Jo Hazrath Ko Ye Purdard Sadaa
Muztarib Hoga -E- Naamoose Rasoole Dosara
Kaha Chilla Ke Sakina Ne Ke Hae Hae Bhayya
Fizza Dowdi Soo-E- Dar Phaink Ke Sar Par Se Ridaa
Peet Thi Zainab -E- Muztar Nikal Aai Baahar
Baano Ghabra Ke Khule Sar Nikal Aai Baahar
Shah Ne Kaandhe Pa Jo Dekhe Ali Akbar Ko Nidhaal
Haath Phalla Ke Ye Chillal Ke Hae Mere Laal
Kya Ghazab Hogaya Aye Baad-E- Shah-E- Naik Qisaal
Raas Aaya Na Mere Bacche Ko Attarwaan Saal
Tukde Teghoun Se Badan Hogaya Saara Hae Hae
Koun Tha Jis Ne Mere Sher Ko Maara Hae Hae
Roke Bano Se Ye Farmane Lage Sarwar-E- Deen
Sar Na Peeto Abhi Zinda Hae Mera Maah -Ejabeen
Saans Aati Hae Pa Har Dam Hae Dam-E- Baad-E- Paseen
Kooch Unka Bhi Hae Aur Ham Bhi Hae Marne Ka Qareen
Sab Chute Ab Na Raha Koi Hamara Baano
Is Jawaan Bete Ke Gham Ne Hamen Maara Baano
Sun Ke Maadar Ki Sadaa Khol Diye Dida -E- Nam
Haath Utha Kar Kaha Rowo Na Mere Sar Ki Qasam
Paas Aakar Hamen Chaati Se Lagalo Isdam
Ran Se Aaye Hai Tumhaari Hi Mulaaqaat Ko Ham
Phir Ye Ghar Shaah Ke Iqbaal Se Dekha Hamne
Par Tumhen Aake Ajab Haal Se Dekha Hamne
Baal Kyun Bikhre Hain Kyun Phaink Di Sar Par Se Rida
Neel Kyun Seeene Pa Hai Kyun Hai Garebaan Phata
Qhaak Kyun Mu Pa Mali Ho Ye Pisar Tum Pa Fida
Shaah Dunya Me Salamat Rahe Ye Kya Ye Kya
Lut Gayi Ye Na Suqan Mu Se Nikaalo Amma
Main To Jeeta Hoon Kaleje Ko Sambhalo Amma
