Mere Peer Ki Ghulami Mere Kaam Aa Gayi Lyrics

 

 

Duniya khilaaf hai to mujhe kya malaal hai
Maiñ jiska ho gaya hooñ use khud khayaal hai

 

Unke karam se meri pur lutf zindagi hai
Guzra hooñ main jidhar se izzat mujhe mili hai

Mere peer ki ghulami mere kaam aa gayi hai

Mere peer ki ghulami.. mere kaam aa gayi

 

Jhuk kar salam karne laga ye jahañ mujhe
Pahuñcha diya hai tere karam ne kahañ mujhe

Mere peer ki ghulami.. mere kaam aa gayi

 

Aayi Hui bala bhi mere sar se tal gayi
Aisa nawaza peer ne duniya badal gayi

Mere peer ki ghulami.. mere kaam aa gayi

 

Shaidaayi hoon main unka, unhi ka hoon diwana
Hai mere labon par mere murshid ka fasana
Jis din se mili hai dar e murshid ki gadaayi
Pehchaanta hai aaj mujhe sara zamana

Mere peer ki ghulami.. mere kaam aa gayi

 

Daaman e murshadi me badi barkateñ mileeñ
Hasil hai is Waseele se faizan e Panjatan
Bai’at mujhe naseeb hui jab se peer ki
Haathoñ meiñ mere aa gaya damaan e panjatan

Mere peer kee ghulami.. mere kaam aa gai

 

Jis din se mere peer ki nisbat mujhe mili
Wallah meri bigdi hui baat ban gayi,
Main ek khote sikke ke jaisa tha kal talak
Unke karam se aaj hai anmol zindagi

Mere peer kee ghulami.. mere kaam aa gai

 

Tere karam ne aisa nawaza teri qasam
Duniya se maañgne ki zarurat nahi rahi

Mere peer ki gulami.. mere kaam aa gai

 

Mehfil mein pahli saf mein jagah di gayi mujhe
Aye mere peer ye teri nisbat ki baat hai

Mere pir ki gulami.. mere kaam aa gai

 

Sau jaañ se apne peer pe qurban jaauñ main
Gulshan meri hayaat ka gulzaar kar diya,
Jab se bane wo NaaKhuda meri hayat ke
Bahr e gham e jahan se mujhe paar kar diya.

Mere pir ki gulami.. mere kaam aa gai

 

Unki nawaazishoñ ko bhala kya karooñ raqam
Altaf o karam unka hai mujh par qadam qadam,
Mujh jaise nikamme ko koi poochhta na tha
Unki nazar ne kar diya duniya mein mohtaram.

Mere pir ki gulami mere kaam aa gai

 

Ye unki inaayaaat hain, unki hai ye a’taa
Logoñ ki nigahoñ mein bharam hai bana hua,
Main kuch bhi nahi hoon, meri auqaat kya bhala
Aisa mujhe nawaza karooñ main bayaan kya.

Mere pir ki gulami mere kaam aa gai

 

Nisbat ne aap ki mujhe sab kuchh ataa kiya
Adna ghulaam tha mujhe sultaañ bana diya

Mere pir ki gulami mere kaam aa gai

 

Nisbat se teri mera zamane me bharam hai
Aisa mere murshid tera andaaz e karam hai

Mere peer ki gulami mere kaam aa gai

 

Daamaan e peer se mila daaman e Panjatan
Hai mujhko naaz ye meri nisbat buland hai
Us mard e Khuda ki mujhe bai’at naseeb hai
Sad shukr marhaba meri qismat buland hai

Mere peer ki gulami mere kaam aa gai

 

Mujh ko dubona chaaha jo toofaan o bhañwar ne
Ghabraya mushiloñ se mujhe aaya paseena
“Ya peer Al madad” jo kaha waqt e museebat
Bahr e alam se paar hua mera safeena

Mere peer ki gulami mere kaam aa gai

 

Kal thay jo log mujhse bade bad gumaan se
Woh bhi hain aaj mujh pe bade mehrbaan se
Ye Murshid e Kaamil ki nigahoñ ka faiz hai
Rahta hooñ is jahan mein badi aan-baan se

Mere peer ki gulami mere kaam aa gai

 

Aayina e khuloos ki tasveer chaahiye
Bas aisa peer paane ko taqdeer chahiye

Mere peer ki gulami mere kaam a gai

 

Teri nazar se dil ko sukooñ hai qarar hai
Tere karam se mere chaman mein bahaar hai

Mere peer ki gulami mere kaam a gai

 

Aal e Rasool e Paak ki ulfat mili mujhe
Eemaan o Deen ki jo ye daulat mili mujhe
Nisbat se unki pahle thi be-kaif zindagi
Nemat sab aaj unki badaulat mili mujhe

Mere peer ki gulami mere kaam a gai
Mere peer ki gulami mere kaam a gai

By sulta