Karam Key Badal Baras Rahe Hain Naat Lyrics

Karam Key Badal Baras Rahe Hain
Dilon Ki Kheti Hari Bhari Hai
Yeh Kon Aya Key Zikr Jin ka
Nagar Nagar Hai Gali Gali Hai
 
Diye Dilon Key Jala Key Rakha
Nabi Ki Mehfil Saja Key Rakhna
Jo Rahate Dil Suqoone Jan Hai
Woh Zikr Zikre Muhammadi Hai
 
Jo Galiya Sun Key De Duayen
Bado Ko Apne Galle Lagaye
Sarapa Lutfo Karam Jo Thehri
Woh Mere Aqa Ki Zindigi Hai
 
Nabi Ko Apna Khuda Na Mano
Khuda Se Lekin Juda Na Jano
Hai Ahle Iman Ka Ye Aqeeda
Khuda Khuda Hai Nabi Nabi Hai
 
Main Apni Qismat Pe Kyun Na Jhoomu
Main Kyun Na Waliyon Key Dar Ko Choomu
Main Nam Lewa Hu Mustafa Ka
Khuda Key Bandon Se Dosti Hai
 
Hai Dosh Par Jin Key Kamli Kali
Wohi To Hain Do Jahan Key Wali
Koi Sawali Na Bejha Khali
Ye Shan Mere Kareem Ki Hai
 
Na Mango Dunya Key Tum Khazane
Niyazi Ao Chalein Madine
Key Badshah Se Bhadh Key Piyare
Nabi Key Dar Ki Gadagari Hai

Leave a Reply

Your email address will not be published.