Jisko Dekho Wo Nazar Aata Hai Deewana Tera Lyrics

 

 

Jisko Dekho Wo Nazar Aata Hai Deewana Tera

Jisko Dekho Wo Nazar Aata Hai Deewana Tera
Waah Kya Aandaaz Hai Aye Peer e Maikhana Tera.

 

Aye Haseeñ Jalwa Hai Har-su Be-Hijabaana Tera
Zarra Zarra Kah Raha Hai Mujh Se Afsaana Tera.

 

Gul Tere, Gulshan Hai Tera, Sab Bahareñ Haiñ Teri
Aashiyan-o-Barq Sab Kahte Haiñ Afsana Tera.

 

Lutf Uska Hai, Ḳhumaar Uska Hai, Masti Uski Hai
Pee Liya Jis Ne Azal Ke Roz Paimaana Tera.

 

Ab Kami Kya Hai Mere Saaqi Pilaye Ja Mujhe
Sheesha Tera, Mai Teri, Hai Jaam o Mai-Khaana Tera.

 

Tu Ne Kuchh Aisi Pilaayi Aye Nigaah-e-Chashm-e-Dost
Roz-e-Awwal Se Tera ‘Qaisar’ Hai Mastaana Tera.

By sulta