Jalwa He Noor He Ke Sarapa Raza Ka He

Jalwa He Noor He Ke Sarapa Raza Ka He
Tasweere -Sunniyat He Ke Chahera Raza Ka He
 
Wadi Raza Ki Kohe Himala Raza Ka He
Jis Samt Dekhiye Who ilaqa Raza Ka He
 
Dastar Arahi He Zamme Par Jo Sar Uthe
Itna Buland Aaj Harayra Raza Ka He
 
Kis Ki Majal He Jo Nazar Bhi Mila Sake
Darbaare -Mustafa sallallahu alaihe wasallam Meme Thikana Raza Ka He
 
Alfaz Beh Rahay Hen Daleelon Ki Dhaar Par
Chalta Hua Qalam He Ke Dhara Raza Ka He
 
Choota He Asman Ko Mmeaar Azm Ka
Yaani Atal Pahad Irada Raza Ka He
 
Nuktay Ibaratoun Se Ubhartay He Khud Ba Khud
Nakhdo Nazar Pe Aisa Ijara Raza Ka He
 
Darya Fasahatoun Ke Rawan Shaayri Me He
Yeh Sehl-e-Mumtanay He Ke Lehja Raza Ka He
 
Jo Likh Diyaa He Usne Sanade Deen Woh Deen Me
Ahle Qalam Ki Abru Nukhta Raza Ka He
 
Aglon Ne Agla Bhi Likha Bohat Ilme -Deen Par
Par Jo Kuch He Is Sadi Me Wo Tanha Raza Ka He
 
Is Doure -Pur Fitan Nazar Khush Aqidgee
Sarkar sallallahu alaihe wasallam Ka Karam He Wasila Raza Ka He

Leave a Reply

Your email address will not be published.