Andaz-e-Byan Gharche Bohat Shaukh Nahin Hai

Andaz-e-Byan Gharche Bohat Shaukh Nahin Hai

 

Andaz-e-Byan Gharche Bohat Shaukh Nahin Hai
Shaid Ke Utar Jaye Tere Dil Mein Meri Baat

 

Ya Wusaat-e-Aflak Mein Takbeer-e-Musalsal
Ya Khak Ke Aghosh Mein Tasbeeh-o-Munajat

 

Woh Mazhab-e-Mardan-e-Khud Agah-o-Khuda Mast
Ye Mazhab-e-Mullah-o-Jamadat-o-Nabataat


 

 

Rubaiyat

Rah-o-Rasm-e-Haram Na-Mehramana
Kalisa Ki Ada Soudagarana

 

Tabarrak Hai Mera Pairhan-e-Chaak
Nahin Ahl-e-Junoon Ka Ye Zamana


 

 

Zulaam-E-Behar Mein Koh Kar Sanbhal Ja
Tarap Ja, Paich Kha Kha Kar Badal Ja

 

Nahin Sahil Teri Qismat Mein Ae Mouj
Ubher Kar Jis Taraf Chahe Nikl Ja!

 


 

Makani Hun Ke Azad-e-Makan Hun
Jahan Been Hun Ke Khud Sara Jahan Hun

 

Woh Apni La-Makani Mein Rahain Mast
Mujhe Itna Bata Dain Main Kahan Hun!

 


 

Khudi Ki Khalwaton Mein Gum Raha Main
Khuda Ke Samne Goya Na Tha Main

 

Na Dekha Ankh Utha Kar Jalwa-e-Dost
Qayamat Mein Tamasha Ban Gya Main!

 


 

Preshan Karobar-e-Ashnai
Preshan Tar Meri Rangeen Nawai!

 

Kabhi Main Dhoondta Hun Lazzat-e-Wasal
Khush Ata Hai Kabhi Souz-e-Juddai!


 

Yaqeen. Misl-e-Khalil Atish Nasheeni
Yaqeen, Allah Masti, Khud Guzini

 

Sun, Ae Tehzeeb-e-Hazir Ke Giraftar
Ghulami Se Bat-tar Hai Be-Yaqeeni

 


Arab Ke Souz Mein Saaz-e-Ajam Hai
Haram Ka Raaz Touheed-e-Umam Hai

 

Tehi Wahdat Se Hai Andaisha-e-Ghareeb
Ke Tehzeeb-e-Farangi Be Haram Hai

 


 

Koi Dekhe Tau Meri Ne Nawazi
Nafs Hindi, Maqam-e-Naghma Tazi

 

Nigah Aaloodah Andaz-e-Afrang
Tabiyat Ghaznavi, Qismat Ayyazi!

 

 

Har Ek Zarre Mein Hai Shaid Makeen Dil
Issi Jalwat Mein Hai Khalwat Nasheen Dil

 

Aseer-e-Dosh-o-Farda Hai  Walekin
Ghulam-e-Gardish-e-Doran Nahin Dil

 

Tera Andesha Aflaki Nahin Hai
Teri Parwaz Loulaki Nahin Hai

 

Ye Mana Asal Shaheeni Hai Teri
Teri Ankhon Mein Bebaki Nahin Hai

 

Na Momin Hai Na Momin Ki Ameeri
Raha Sufi, Gyi Roshan Zameeri

 

 

Khuda Se Phir Wohi Qalb-o-Nazar Mang
Nahin Mumkin Ameeri Be-Faqeeri

 

Khudi Ki Jalwaton Mein Mustafai
Khudi Ki Khalwaton Mein Kibriyai

 

Zameen-o-Asman-o-Kursi-o-Arsh
Khudi Ki Zad Mein Hai Sari Khudai!

 

 

Nigah Uljhi Huwi Hai Rang-o-Boo Mein
Khirad Khoyi Gyi Hai Char Soo Mein

 

Na Chore Ae Dil Faghan-e-Subahgahi
Aman Shaid Mile ‘Allah Hoo’ Mein!

 

 

Jamal-e-Ishq-o-Masti Ne Nawazi
Jalal-e-Ishq-o-Masti Be-Niazi

 

 

Kamal-e-Ishq-o-Masti Zaraf-e-Haidar (R.A.)
Zawal-e-Ishq-o-Masti Harf-e-Razi

 

Woh Mera Ronaq-e-Mehfil Kahan Hai
Meri Bijli, Mera Hasil Kahan Hai

 

Maqam Iss Ke Hai Dil Ki Khalwaton Mein
Khuda Jane Maqam-e-Dil Kahan Hai!

 

Sawar-e-Naqa-o-Mehmil Nahin Main
Nishan-e-Jadah Hun, Manzil Nahin Main

 

Meri Taqdeer Hai Khashak Souzi
Faqt Bijli Hun Main, Hasil Nahin Main

 

 

Tere Seene Mein Dam Hai, Dil Nahin Hai
Tera Dam Garmi-e-Mehfil Nahin Hai

 

Guzar Ja Aqal Se Aagay Ke Ye Nor
Charagh-e-Rah Hai, Manzil Nahin Hai

 

Tera Jauhar Hai Noori, Pak Hai Tu
Farogh-e-Dida-e-Aflak Hai Tu

 

Tere Said-e-Zaboon Afarishta-o-Hoor
Ke Shaheen-e-Shah-e-Loulak (S.A.W.) Hai Tu!

 

 

Mohabbat Ka Junoon Baqi Nahin Hai
Musalman Mein Khoon Baqi Nahin Hai

 

Safeen Kaj, Dil Preshan, Sajda Be-Zauq
Ke Jazb-e-Androon Baqi Nahin Hai

Leave a Comment