Ada e Mustafa Tum ho Raza e Mustafa Tum ho Lyrics

 
Ada e Mustafa Tum ho Raza e Mustafa Tum ho
Her Eik Anwar Se Aiy Muqtada Ahmed Raza Tum ho
 
Shabeeh e Hazrat e Ghou ul Wara Ibn e Raza Tum Ho
Jahan e Ilm Ke Mufti e Azam Mustafa Tum Ho
 
Vali Ibne Vali Zinda Vali ho Parsa Tum Ho
Sarapa Zohd Tum ho Aur Paiker e Sidqo safa Tum ho
 
Tumhare Zahir O Batin Pe Naza Parsai Hai
 
Jo Khair e Atqiya Tum ho To Naz e Asfiya Tum Ho
 
Pilado Jam e Noori Apni Noorani Nigaho Se
Ke Noori Maikadah Ke Meer Mere Saqiya Tum Ho
 
Meri Duniya e Deen Ka Ma Hasal Ulfat Tumhari Hai
Qiyamat Mein Mere Mawa Wa Malja Asra Tum ho
 
Kisi Ko Kiyon Sunaun Dastan Apne Masayeb Ki
Mere Dukh Ki Dawa Tum ho Mere Mushkil Kusha Tum ho
 
Mujhe Toufiq Sabr O Isteqamat Bakhsh do Aqa
Mujassam Isteqamat Paiker e Sabr O Raza Tum Ho
 
Ussi Mithi Nazar Se Dekh Lo Fir Apne Mangta Ko
Ke Uski Arzu Wa Hasrat Tamanna Mud dua Tum ho
 
Tumhari Zat Mein Jalwe Raza Hamid Raza Ke Hain
Mere Hamid Raza Tum Ho Mere Ahmed Raza Tum ho
 
Woh Mere Samne hain Poochhte Hain Arzu Kiya Hai
Mere Moula Zuba’n Dede Keh doon Mud dua Tum ho
 
Sakhi Tum Ho Main Sayil Hoon Vali Tum ho Main Asi Hun
Mareez e Dard e Isya’n Hoon Dawa Tum ho Shifa Tum ho
 
Raza Wa Hamid o Noori Ka Gulshan Hai Baharo Per
Shagufta Iss Chaman Mein Khair se Rehan Raza Tum Ho

Leave a Reply

Your email address will not be published.