Aale Ahmed Ki Azmat Pe Laakhon Salaam Lyrics
Aale Ahmed Ki Azmat Pe Laakhon Salaam
Ibne Haider Ki Rif’at Pe Laakhon Salaam
Mustafa Ke Dil O Jaan Hussain O Hasan
Nau-jawaanane Jannat Pe Laakhon Salaam
Hum Shabihe Nabi Akbar E Mahjabeen
Noor Walon Ki Soorat Pe Laakhon Salaam
Jo Sahaabi Bhi Hai Aur Nawaase Bhi Hai
Unki Tauqeer O Nisbat Pe Laakhon Salaam
Khoon Se Karbala Jin Ke Sairaab Hai
Un Shaheedon Ki Azmat Pe Laakhon Salaam
Jin Se Khush Hai Khuda Aur Khuda Ka Nabi
Unki Taabinda Qismat Pe Laakhon Salaam
Chhod Kar Apna Khutba Liya Goad Mein
Noor E Ain E Risaalat Pe Laakhon Salaam
Jisne Karbal Mein Zinda Kiya Deen Ko
Uski Shaane Shuja’at Pe Laakhon Salaam