عرش حق ہے مسند نعت رسول اللہ کیﷺ

عرش حق ہے مسند نعت رسول اللہ کیﷺ

عرش حق ہے مسند نعت رسول اللہ کیﷺ

دیکھنی ہے حشر میں عزت رسول اللہ کی ﷺ

قبر میں لہرائیں گے تا حشر چشمے نور کے

جلوہ فرماہوگی جب طلعت رسول الله کی ﷺ

کافروں پر تیغ والا سے گری برق غضب

ابر آساچھا گئی ہیبت رسول الله کی ﷺ

لا ورب العرش جس کو جو ملا ان سے ملا

بنتی ہے کونین میں نعمت رسول الله کی ﷺ

وہ جہنم میں گیا جو ان سے مستغنی ہوا

ہے خلیل اللہ کو حاجت رسول الله کی ﷺ

سورج الٹے پاؤں پلٹے چاند اشارے سے ہو چاک

اندھے نجدی دیکھ لے قدرت رسول الله کی ﷺ

تجھ سے اور جنت سے کیا مطلب وہابی دور ہو

ہم رسول الله ﷺکے جنت رسول الله کی ﷺ

ذکر روکے فضل کا ٹے نقص کا جویاں رہے

پھر کہے مردک کہ ہوں امت رسول الله کی ﷺ

نجدی اس نے تجھ کو مہلت دی کہ اس عالم میں ہے

کافر و مرتد پہ بھی رحمت رسول الله کی ﷺ

ہم بھکاری وہ کریم ان کا خدا ان سے فزوں

اور نہ کہنا نہیں عادت رسول الله کی ﷺ

اہل سنت کا ہے بیڑا پار اصحاب حضور

نجم ہیں اور ناؤ ہے عترت رسول الله کی ﷺ

خاک ہوکر عشق میں آرام سے سونا ملا

جان کی اکسیر ہے الفت رسول الله کی ﷺ

ٹوٹ جائیں گے گنہ گاروں کے فورا قید و بند

حشر کو کھل جائیگی طاقت رسول الله کی ﷺ

یارب اک ساعت میں دھل جائیں سیہ کاروں کے جرم

جوش پر آجائے اب رحمت رسول الله کی ﷺ

ہے گل باغ قدس رخسار زیبائے حضور

سر وگلزار قدم قامت رسول الله کی ﷺ

اے رضا# خود صاحب قرآں ہے مداح حضور

تجھ سے کب ممکن ہے پھر مدحت رسول الله کی ﷺ