AISA TUJHE KHALIQ NE TARAH DAAR BANAYA NAAT LYRICS

 

Aisa Tujhe Khaliq Ne Tarah Daar Banaya
Yusuf Ko Tera Taalib-E-Deedaar Banaya

Aye Nazm-E-Risaalat Ke Chamakte Hue Maqta
Tune Hi Use Matla-E-Anwaar Banaya

Kunji Tumhe Di Apne Khazano Ki Khuda Ne
Mehboob Kiya Maalik-O-Mukhtaar Banaya

Har Baat Bad-Amaliyon Se Maine Bigadi
Par Tumne Meri Bigdi Ko Har Baar Banaya

Aalam Ke Salateen Bhikhari Hain Bhikhari
Sarkaar Banaya Tumhe Sarkaar Banaya

Ye Lazzate Pabos Ke Patthar Ne Jigar Me
Naqsh-E-Kadam-E-Sayyad-E-Abraar Banaya

Leave a Reply

Your email address will not be published. Required fields are marked *